'പൂച്ചയ്‌ക്കൊപ്പം ലഞ്ച്'; ആരാധകരുടെ ഹൃദയം തൊട്ട് പാക് താരം അബിദ് അലി 

ഡ്രസ്സിങ് റൂമില്‍ നിന്ന് ഭക്ഷണം കൊണ്ടുവന്ന് ഗ്രൗണ്ടിലുണ്ടായിരുന്ന പൂച്ചയ്ക്ക്‌ നല്‍കുകയാണ് പാകിസ്ഥാന്‍ ഓപ്പണര്‍
വീഡിയോ ദൃശ്യം
വീഡിയോ ദൃശ്യം

ധാക്ക: ബംഗ്ലാദേശിന് എതിരായ ടെസ്റ്റിന് ഇടയില്‍ ഹൃദയം തൊട്ട് പാകിസ്ഥാന്‍ താരം അബിദ് അലി. ഡ്രസ്സിങ് റൂമില്‍ നിന്ന് ഭക്ഷണം കൊണ്ടുവന്ന് ഗ്രൗണ്ടിലുണ്ടായിരുന്ന പൂച്ചയ്ക്ക്‌ നല്‍കുകയാണ് പാകിസ്ഥാന്‍ ഓപ്പണര്‍. 

ബംഗ്ലാദേശിന് എതിരായ രണ്ടാം ടെസ്റ്റിന്റെ അഞ്ചാം ദിനമാണ് സംഭവം. ഉച്ചഭക്ഷണത്തിന്റെ ഇടവേളയില്‍ ഡ്രസ്സിങ് റൂമില്‍ നിന്ന് പ്ലേറ്റില്‍ ഭക്ഷണം അബിദ് അലി പുറത്തേക്ക് കൊണ്ടുവന്നു. പിന്നാലെ ഡ്രസ്സിങ് റൂമിന് സമീപം നിന്നിരുന്ന പൂച്ചയ്ക്ക്‌ ഇട്ടുകൊടുത്തു. അബിദിന്റെ മനസിന് വലിയ കയ്യടിയാണ് ആരാധകര്‍ നല്‍കുന്നത്. 

കളിയിലേക്ക് വന്നാല്‍ ബംഗ്ലാദേശിന് എതിരെ ഇന്നിങ്‌സ് ജയം ലക്ഷ്യമിടുകയാണ് പാകിസ്ഥാന്‍. സമനില പിടിക്കാനായി പൊരുതുകയാണ് ബംഗ്ലാദേശ്. ഫോളോഓണ്‍ ചെയ്യുന്ന ബംഗ്ലാദേശിന് ഇനി ഉച്ചഭക്ഷണത്തിനും ചായക്കും ശേഷമുള്ള സെഷന്‍ അതീജീവിക്കണം. 5 വിക്കറ്റാണ് പാകിസ്ഥാന് ജയിക്കാന്‍ വേണ്ടത്. 

ഒന്നാം ഇന്നിങ്‌സില്‍ പാകിസ്ഥാന്‍ നാല് വിക്കറ്റ് നഷ്ടത്തില്‍ 300 റണ്‍സ് എന്ന നിലയില്‍ ഡിക്ലയര്‍ ചെയ്തു. ബംഗ്ലാദേശ് ഒന്നാം ഇന്നിങ്‌സില്‍ 87 റണ്‍സിന് പുറത്തായി. ഒന്നാം ഇന്നിങ്‌സില്‍ പാകിസ്ഥാന് വേണ്ടി ഫവദ് അലം, മുഹമ്മദ് റിസ്വാന്‍, ബാബര്‍ അസം, അസ്ഹര്‍ അലി എന്നിവര്‍ അര്‍ധ ശതകം കണ്ടെത്തി. സജിദ് ഖാന്റെ എട്ട് വിക്കറ്റ് നേട്ടമാണ് ബംഗ്ലാദേശിനെ ഒന്നാം ഇന്നിങ്‌സില്‍ തകര്‍ത്തത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com