മെല്ബണ്: ഓസ്ട്രേലിയക്കെതിരായ ആഷസ് പരമ്പരയിലെ മൂന്നാം ടെസ്റ്റ് മെല്ബണില് അരങ്ങേറുന്നതിനിടെ ഇംഗ്ലണ്ട് ക്യാമ്പില് കോവിഡ്. നാല് പേര്ക്കാണ് കോവിഡ് സ്ഥിരീകരിച്ചത്. ഇതോടെ ഇംഗ്ലീഷ് ടീം ആശങ്കയിലുമായി.
രണ്ട് സപ്പോര്ട്ടിങ് സ്റ്റാഫുകള്ക്കും അവരുടെ രണ്ട് കുടുംബാംഗങ്ങള്ക്കുമാണ് പരിശോധനയില് രോഗം സ്ഥിരീകരിച്ചത്.
നാല് കോവിഡ് കേസുകള് റിപ്പോര്ട്ട് ചെയ്തതോടെ മൂന്നാം ടെസ്റ്റിന്റെ രണ്ടാം ദിവസമായ ഇന്ന് ഇംഗ്ലീഷ് താരങ്ങള് ആന്റിജന് ടെസ്റ്റ് നടത്തി ഫലം നെഗറ്റീവാണെന്ന് ഉറപ്പാക്കിയാണ് കളിക്കാനിറങ്ങിയത്. മൂന്നാം ടെസ്റ്റ് കഴിഞ്ഞാലുടന് താരങ്ങള് ആര്ടിപിസിആര് ടെസ്റ്റിനും വിധേയരാകും.
താരങ്ങള് പരിശോധന നടത്താന് പോയതോടെ ഇന്നത്തെ മത്സരം 45 മിനിറ്റ് വൈകിയാണ് ആരംഭിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ