അടുത്ത നായകന്‍ ആര്? സൂചന നല്‍കി വിരാട് കോഹ്‌ലി

'മറ്റൊരാള്‍ ടീമിനെ നയിക്കേണ്ട സമയമായി. കുറച്ചു നാളുകളായി രോഹിത് ടീമിന്റെ മേല്‍നോട്ടം വഹിക്കുന്നുണ്ട്'
ഫോട്ടോ: ട്വിറ്റർ
ഫോട്ടോ: ട്വിറ്റർ

ദുബായ്: ഇന്ത്യയുടെ അടുത്ത ടി20 നായകന്‍ ആരാവും എന്നതില്‍ സൂചന നല്‍കി വിരാട് കോഹ് ലി. രോഹിത് ഇവിടെ തന്നെയുണ്ട് എന്ന് പറയേണ്ടതില്ലല്ലോ എന്നായിരുന്നു കോഹ് ലിയുടെ പ്രതികരണം. 

മറ്റൊരാള്‍ ടീമിനെ നയിക്കേണ്ട സമയമായി. കുറച്ചു നാളുകളായി രോഹിത് ടീമിന്റെ മേല്‍നോട്ടം വഹിക്കുന്നുണ്ട്, നമീബിയക്കെതിരായ മത്സരത്തില്‍ ടോസിന്റെ സമയം കോഹ് ലി പറഞ്ഞു. വലിയ അംഗീകാരമാണ് എനിക്ക് ലഭിച്ചത്. കഴിവിന്റെ പരമാവധി പ്രയോജനപ്പെടുത്താന്‍ ശ്രമിച്ചു. ഇപ്പോള്‍ മാറി ചിന്തിക്കേണ്ട സമയവും എത്തിയിരിക്കുന്നു. ടീമിന്റെ പ്രകടനം അഭിമാനം നല്‍കുന്നതാണെന്നും കോഹ്‌ലി പറഞ്ഞു.

കോഹ് ലി സ്ഥാനം ഒഴിഞ്ഞതോടെ വൈസ് ക്യാപ്റ്റനായ രോഹിത് ശര്‍മ ടി20 ടീമിന്റെ നായക സ്ഥാനം ഏറ്റെടുക്കും എന്ന റിപ്പോര്‍ട്ടുകളാണ് ശക്തം. ടി20യില്‍ ഇന്ത്യയെ 19 മത്സരങ്ങളില്‍ രോഹിത് നയിച്ചിട്ടുണ്ട്. അതില്‍ 15 വട്ടം ജയിച്ചു കയറി. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com