ചെന്നൈ: ഇന്ത്യൻ ക്രിക്കറ്റ് താരം ദിനേഷ് കാർത്തിക്കിനും മലയാളി സ്ക്വാഷ് താരം ദീപിക പള്ളിക്കലിനും ഇരട്ടക്കുട്ടികൾ പിറന്നു. സാമൂഹിക മാധ്യമങ്ങളിലൂടെയാണ് ഇരുവരും ഇക്കാര്യം അറിയിച്ചത്. ഇരുവർക്കും രണ്ട് ആൺകുട്ടികളാണ് പിറന്നത്.
‘അങ്ങനെ ഞങ്ങൾ മൂന്ന് പേർ അഞ്ച് പേരായി. എനിക്കും ദീപികയ്ക്കും രണ്ട് ആൺകുട്ടികൾ പിറന്നിരിക്കുന്നു’ – കബീർ പള്ളിക്കൽ കാർത്തിക്, സിയാൻ പള്ളിക്കൽ കാർത്തിക് എന്നിങ്ങനെയാണ് കുഞ്ഞുങ്ങൾക്കു പേരു നൽകിയിരിക്കുന്നതെന്നും ട്വിറ്ററിൽ ഫോട്ടോ സഹിതമുള്ള കുറിപ്പിൽ കാർത്തിക്ക് അറിയിച്ചു.
2013ലാണ് തമിഴ്നാട്ടുകാരനായ ദിനേഷ് കാർത്തിക്കും മലയാളിയായ ദീപിക പള്ളിക്കലും വിവാഹിതരായത്. അടുത്തിടെ സമാപിച്ച ഐപിഎല്ലിൽ കാർത്തിക് കൊൽക്കത്ത നൈറ്റ്റൈഡേഴ്സിനായി കളത്തിലിറങ്ങിയിരുന്നു. പ്രൊഫഷണൽ സ്ക്വാഷ് അസോസിയേഷന്റെ വനിതാ റാങ്കിങ്ങിൽ ആദ്യ പത്തിൽ ഇടംനേടിയ ആദ്യ ഇന്ത്യക്കാരിയാണ് ദീപിക പള്ളിക്കൽ. കാലിലെ പരിക്കിനെ തുടർന്ന് കളത്തിൽ നിന്ന് ദീർഘ നാളായി വിട്ടുനിൽക്കുന്ന താരം കോമൺവെൽത്ത് ഗെയിംസോടെ തിരിച്ചെത്തുമെന്ന് സൂചനകളുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ