മുംബൈ: പഞ്ചാബ് കിങ്‌സിന് എതിരെ തുടരെ രണ്ട് സിക്‌സ് പറത്തി തെവാത്തിയ പഞ്ചാബ് കിങ്‌സിനെ ജയത്തിലേക്ക് എത്തിച്ചു. എന്നാല്‍ അവസാന ഓവറിലെ രണ്ടാമത്തെ ഡെലിവറിയില്‍ റണ്‍ഔട്ട് ആയി ഗുജറാത്ത് ടൈറ്റന്‍സ് നായകന്‍ ഡഗൗട്ടിലേക്ക് മടങ്ങിയത് കലിപ്പിച്ച്.
റണ്‍ഔട്ട് ആയതിന് പിന്നാലെ സഹതാരം ഡേവിഡ് മില്ലറോട് കലിപ്പിക്കുകയായിരുന്നു ഹര്‍ദിക് പാണ്ഡ്യ. അവസാന ഓവറിലെ രണ്ടാമത്തെ ഡെലിവറി നേരിട്ട ഡേവിഡ് മില്ലര്‍ക്ക് പന്ത് മിസ് ചെയ്തു. എന്നാല്‍ സിംഗിളിനായി മില്ലര്‍ ഓടിയതോടെ ബെയര്‍സ്‌റ്റോയുടെ ഡയറക്ട് ഹിറ്റില്‍ ഹര്‍ദിക് പുറത്ത്.
അവസാന 6 പന്തില്‍ നിന്ന് 19 റണ്‍സ് ആണ് ഗുജറാത്ത് ടൈറ്റന്‍സിന് ജയിക്കാനായി വേണ്ടിയിരുന്നത്. ആദ്യ ഡെലിവറി വൈഡ് ആയി. രണ്ടാമത്തേതില്‍ ഹര്‍ദിക് റണ്‍ഔട്ട് ആയതോടെ ഗുജറാത്ത് സമ്മര്‍ദത്തിലേക്ക് വീണിരുന്നു. എന്നാല്‍ അവസാന രണ്ട് പന്തില്‍ സിക്‌സ് പറത്തി രാഹുല്‍ തെവാത്തിയ ഗുജറാത്തിനെ തങ്ങളുടെ മൂന്നാം ജയത്തിലേക്ക് എത്തിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
