മുംബൈ: ഐപിഎല്‍ 15ാം സീസണിലെ തങ്ങളുടെ ആദ്യ ജയത്തിലേക്ക് എത്തിയതിന്റെ ആശ്വാസത്തിലാണ് ചെന്നൈ സൂപ്പര്‍ കിങ്‌സ്. റോയല്‍ ചലഞ്ചേഴ്‌സ് ബാംഗ്ലൂരിനെ 23 റണ്‍സിന് തോല്‍പ്പിച്ച കളിയില്‍ കോഹ് ലിയെ വീഴ്ത്തിയ ധോനിയുടെ ഫീല്‍ഡ് സെറ്റ് ആണ് ഇപ്പോള്‍ ആരാധകരെ അമ്പരപ്പിക്കുന്നത്.
ബാംഗ്ലൂര്‍ ഇന്നിങ്‌സിലെ അഞ്ചാം ഓവര്‍ എറിയാന്‍ എത്തിയത് ചെന്നൈ പേസര്‍ മുകേഷ് ചൗധരിയാണ്. ഈ സമയം ഫൈന്‍ ലെഗ് ഫീല്‍ഡറിനോട് ഇടത്തേക്ക് നീങ്ങി ഡീപ്പ് സ്‌ക്വയര്‍ ലെഗ് ഫീല്‍ഡറിനോട് അടുത്ത് നില്‍ക്കാന്‍ ധോനി ആവശ്യപ്പെട്ടു. ചൗധരിയുടെ ആദ്യ പന്ത് കോഹ് ലിയുടെ പാഡില്‍ തട്ടി.
രണ്ടാമത്തെ ഡെലിവറി കോഹ് ലി നേരിടുമ്പോഴും ഫീല്‍ഡര്‍ സ്‌ക്വയറിലേക്ക് നീങ്ങിയതിനെ കുറിച്ച് കോഹ് ലി ബോധവാനായിരുന്നില്ല. ഡീപ് സ്‌ക്വയര്‍ ലെഗ്ഗിലേക്ക് ഷോട്ട് കളിച്ച കോഹ്‌ലി അവിടെ ശിവം ദുബെയുടെ കൈകളിലേക്ക് എത്തി. മൂന്ന് പന്തില്‍ നിന്ന് ഒരു റണ്‍ മാത്രം എടുത്താണ് കോഹ് ലി മടങ്ങിയത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
