ന്യൂഡല്ഹി: മജ്ജ മാറ്റിവെക്കല് ശസ്ത്രക്രിയക്കായി 11 വയസുകാരന് 31 ലക്ഷം രൂപ നല്കി ഇന്ത്യന് ക്രിക്കറ്റ് താരം കെഎല് രാഹുല്. വരദ് എന്ന വളര്ന്നു വരുന്ന ക്രിക്കറ്റ് താരത്തിന് നേര്ക്കാണ് രാഹുല് സഹായഹസ്തം നീട്ടിയത്.
35 ലക്ഷം രൂപയാണ് മുംബൈ സ്വദേശിയായ കുട്ടിയുടെ ശസ്ത്രക്രിയക്ക് വേണ്ടിവന്നത്. ഇതേ കുറിച്ച് അറിഞ്ഞ കെഎല് രാഹുല് 31 ലക്ഷം രൂപ നല്കുകയായിരുന്നു. വരദിന്റെ ശസ്ത്രക്രിയക്ക് പണം ശേഖരിക്കുന്നതിനായി മാതാപിതാക്കള് ക്യാംപെയ്ന് ആരംഭിച്ചിരുന്നു. രാഹുലിന്റെ സഹായം ലഭിച്ചതോടെ വരദ് ആരോഗ്യം വീണ്ടെടുത്ത് തന്റെ സ്വപ്നങ്ങള്ക്ക് പിന്നാലെ പായും എന്ന പ്രതീക്ഷയിലാണ് എല്ലാവരും.
കളിയിലേക്ക് വരുമ്പോള് രാഹുലിന് ശ്രീലങ്കയ്ക്ക് എതിരായ ട്വന്റി20 പരമ്പര നഷ്ടമാവും. വെസ്റ്റ് ഇന്ഡീസിന് എതിരായ രണ്ടാം ഏകദിനത്തില് കളിക്കുമ്പോള് ഫീല്ഡിങ്ങിന് ഇടയില് രാഹുലിന് പരിക്കേറ്റിരുന്നു. ശ്രീലങ്കയ്ക്ക് എതിരായ രണ്ട് ടെസ്റ്റുകളുടെ പരമ്പരയും രാഹുലിന് നഷ്ടമാവും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ