കേപ്ടൗണ്‍: ഇന്ത്യയുടെ മുഖ്യ പരിശീലകന്‍ രാഹുല്‍ ദ്രാവിഡിന്റെ 49ാം ജന്മദിനമായിരുന്നു ചൊവ്വാഴ്ച. കേപ്ടൗണ്‍ ടെസ്റ്റിന് ഇടയില്‍ ദ്രാവിഡിന്റെ ജന്മദിനവും ഇന്ത്യന്‍ ടീം ആഘോഷിച്ചു. എന്നാല്‍ ഇവിടെ ഇന്ത്യന്‍ ടെസ്റ്റ് ക്യാപ്റ്റന്‍ വിരാട് കോഹ്‌ലിയുടെ അസാന്നിധ്യം ചൂണ്ടിക്കാണിക്കുകയാണ് ആരാധകര്‍.
കേക്ക് മുറിച്ചുള്ള ദ്രാവിഡിന്റെ ജന്മദിനാഘോഷത്തിന്റെ ചിത്രങ്ങള്‍ പേസര്‍ മുഹമ്മദ് ഷമിയാണ് പങ്കുവെച്ചത്. ഈ ചിത്രങ്ങളില്‍ കോഹ് ലിയെ കാണാതെ വന്നതോടെയാണ് ആരാധകര്‍ ചോദ്യവുമായി എത്തിയത്.
കോഹ്‌ലിയുടെ മകളുടെ ജന്മദിനം
എന്നാല്‍ കോഹ് ലിയുടെ മകള്‍ വാമികയുടെ ഒന്നാം ജന്മദിനവും ജനുവരി 11നായിരുന്നു. കുടുംബത്തോടൊപ്പം മകളുടെ ജന്മദിനം ആഘോഷിക്കുകയായിരുന്നിരിക്കാം കോഹ് ലി എന്നാണ് സൂചന. മകളുടെ ജന്മദിനത്തില്‍ സെഞ്ചുറിയുമായി ആഘോഷിക്കാന്‍ കോഹ് ലിക്ക് കഴിഞ്ഞില്ല. 79 റണ്‍സ് എടുത്ത് ഒന്നാം ഇന്നിങ്‌സില്‍ കോഹ് ലി മടങ്ങി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
