കേപ്ടൗണ്‍: ഇരു ടീമിലേയും ബാറ്റ്‌സ്മാന്മാര്‍ നിലയുറപ്പിക്കാന്‍ പ്രയാസപ്പെട്ടപ്പോള്‍ ഋഷഭ് പന്ത് അവിടെ സെഞ്ചുറി നേടി. കേപ്ടൗണിലെ പിച്ചില്‍ നിന്ന് ബൗളര്‍മാര്‍ക്ക് ലഭിക്കുന്ന പിന്തുണയൊന്നും അവിടെ പന്തിനെ അലോസരപ്പെടുത്തിയില്ല. സെഞ്ചുറിക്കൊപ്പം തന്റെ ബാറ്റിനെ തൊട്ടുവണങ്ങിയ പന്തിന്റെ പെരുമാറ്റവും ആരാധകരുടെ കയ്യടി നേടുന്നു.
ഇന്ത്യയെ കരകയറ്റിയ ഇന്നിങ്‌സിന് ഇടയില്‍ തന്റെ ബാറ്റിനോടുള്ള സ്‌നേഹം പ്രകടിപ്പിക്കുകയായിരുന്നു പന്ത്. തന്റെ കയ്യില്‍ നിന്ന് നിയന്ത്രണം വിട്ട് ബാറ്റ് താഴെ വീണതിന് പിന്നാലെ പന്ത് മൂന്ന് നാല് തവണ ബാറ്റില്‍ തൊട്ട് മുത്തി.
139 പന്തില്‍ നിന്ന് ആറ് ഫോറും നാല് സിക്‌സും പറന്നതായിരുന്നു പന്തിന്റെ ഇന്നിങ്‌സ്. കേപ്ടൗണിലെ ആദ്യ ടെസ്റ്റില്‍ മോശം ഷോട്ടിന് ശ്രമിച്ച് പന്ത് പുറത്തായതിന് പിന്നാലെ രൂക്ഷ വിമര്‍ശനം ഉയര്‍ന്നിരുന്നു. എന്നാല്‍ വിമര്‍ശകരുടെയെല്ലാം വായടപ്പിച്ചാണ് പന്ത് രണ്ടാം ഇന്നിങ്‌സില്‍ ബാറ്റ് വീശിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
