എഡ്ജ്ബാസ്റ്റണ്‍: ഈ വര്‍ഷം ഫെബ്രുവരിക്ക് ശേഷം ആദ്യമായാണ് ബുമ്ര ഇന്ത്യയുടെ ട്വന്റി20 ടീമിലേക്ക് എത്തിയത്. ഇടവേളയ്ക്ക് ശേഷം ട്വന്റി20യിലേക്കുള്ള വരവില്‍ ലിവിങ്സ്റ്റണിനെ വീഴ്ത്തിയ ബുമ്രയുടെ പന്താണ് ആരാധകരെ വിസ്മയിപ്പിച്ചത്.
എഡ്ജ്ബാസ്റ്റണില്‍ തന്റെ ആദ്യ ഓവറില്‍ ബുമ്ര 8 റണ്‍സ് ആണ് വഴങ്ങിയത്. ഇംഗ്ലണ്ട് ഇന്നിങ്‌സിന്റെ അഞ്ചാം ഓവറില്‍ വീണ്ടും ബുമ്രയുടെ കൈകളിലേക്ക് പന്ത് എത്തി. 9 പന്തില്‍ നിന്ന് മൂന്ന് ബൗണ്ടറിയോടെ 15 റണ്‍സ് എടുത്ത് നില്‍ക്കുകയായിരുന്നു ലിവിങ്‌സ്റ്റണ്‍.
ബുമ്രയുടെ സ്ലോവര്‍ ഓഫ് ബ്രേക്ക് ആണ് ലിവിങ്സ്റ്റണിന്റെ ഓഫ് സ്റ്റംപ് ഇളക്കിയത്. ലിവിങ്സ്റ്റണിന്റെ മുഖത്തും ബുമ്രയുടെ മനോഹര ഡെലിവറിയുടെ അമ്പരപ്പ് പ്രകടമായിരുന്നു. ലിവിങ്സ്റ്റണിനെ ഈ സമയം മടക്കാന്‍ ബുമ്രയ്ക്ക് കഴിഞ്ഞതോടെ ഇംഗ്ലണ്ട് 27-3ലേക്ക് വീണു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
