മൊഹാലി: 71ാം സെഞ്ചുറി ലക്ഷ്യമിട്ട വിരാട് കോഹ് ലിയുടെ ഇന്നിങ്സിന് തിരശീലയിട്ട് ശ്രീലങ്കന് സ്പിന്നര് എബുള്ഡെനിയുടെ സ്പെഷ്യല് ഡെലിവറി. 100ാം ടെസ്റ്റില് കോഹ്ലി തന്റെ സെഞ്ചുറി വരള്ച്ച അവസാനിപ്പിക്കും എന്ന് പ്രതീക്ഷിച്ചിരുന്നവരെ നിരാശപ്പെടുത്തി 45 റണ്സിനാണ് ഇന്ത്യന് മുന് നായകന് ഒന്നാം ഇന്നിങ്സില് മടങ്ങിയത്.
ലസിത് എംബുല്ഡെനിയയില് നിന്ന് വന്ന ഫുള്ളര് ഡെലിവറി പ്രതിരോധിക്കാന് കോഹ് ലി ശ്രമിച്ചെങ്കിലും പന്ത് ഓഫ് സ്റ്റംപ് ഇളക്കി. 100ാം ടെസ്റ്റില് തന്നെ പുറത്താക്കാന് വന്ന ലങ്കന് സ്പിന്നറുടെ സ്പെഷ്യല് ഡെലിവറി കണ്ട് കോഹ് ലിയും അമ്പരന്നു. വിശ്വസിക്കാനാവാതെ ക്രീസില് ഒരു നിമിഷം നിന്നാണ് കോഹ് ലി മടങ്ങിയത്.
76 പന്തില് നിന്ന് 5 ബൗണ്ടറിയോടെയാണ് കോഹ് ലി 45 റണ്സ് എടുത്തത്. ഇതിനിടയില് ടെസ്റ്റില് 8000 റണ്സ് എന്ന നേട്ടവും കോഹ്ലി പിന്നിട്ടു. റെഡ് ബോള് ക്രിക്കറ്റില് 8000 റണ്സ് കണ്ടെത്തുന്ന 8ാമത്തെ ഇന്ത്യന് താരമാണ് കോഹ് ലി.
ടോസ് നേടി ബാറ്റിങ്ങിന് ഇറങ്ങിയ ഇന്ത്യ 55 ഓവര് പിന്നിടുമ്പോള് നാല് വിക്കറ്റ് നഷ്ടത്തില് 206 റണ്സ് എന്ന നിലയിലാണ്. 80 റണ്സിലേക്ക് എത്തിയപ്പോഴേക്കും ഇന്ത്യക്ക് ഓപ്പണര്മാരെ നഷ്ടമായി. രോഹിത് ശര്മ 29 റണ്സ് എടുത്തും മായങ്ക് 33 റണ്സിനുമാണ് മടങ്ങിയത്. മൂന്നാം വിക്കറ്റില് വിക്കറ്റില് വിഹാരിയും കോഹ് ലിയും ചേര്ന്ന് 90 റണ്സ് കണ്ടെത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ