ന്യൂഡല്‍ഹി: ഐപിഎല്‍ ആരംഭിക്കാന്‍ ഏതാനും ദിവസം മാത്രമാണ് മുന്‍പിലുള്ളത്. ഈ സമയത്ത് രാജസ്ഥാന്‍ റോയല്‍സിന്റെ ട്വിറ്റര്‍ അക്കൗണ്ടില്‍ വന്ന ട്വീറ്റ് ആണ് ആരാധകരില്‍ ആശയക്കുഴപ്പം സൃഷ്ടിച്ചത്. ചഹലിന്റെ ഫോട്ടോ നല്‍കി രാജസ്ഥാന്റെ പുതിയ ക്യാപ്റ്റന്‍ എന്ന തലക്കെട്ടോടെയായിരുന്നു ട്വീറ്റ്...
പിന്നാലെയാണ് ഇതിന്റെ സത്യാവസ്ഥ പുറത്തു വന്നത്. രാജസ്ഥാന്‍ റോയല്‍സിന്റെ ട്വിറ്റര്‍ അക്കൗണ്ടിന്റെ പാസ്‌വേര്‍ഡ് തന്റെ പക്കലുണ്ടെന്നാണ് ചഹല്‍ പറയുന്നത്. രാജസ്ഥാന്‍ റോയല്‍സിന്റെ പുതിയ ക്യാപ്റ്റന്‍ എന്ന ട്വീറ്റിനൊപ്പം ബട്ട്‌ലറിനൊപ്പം ഇന്നിങ്‌സ് ഓപ്പണ്‍ ചെയ്യുക ചഹല്‍ ആയിരിക്കും എന്നും ട്വീറ്റ് വന്നു.
രാജസ്ഥാന്റെ പുതിയ ക്യാപ്റ്റന്‍ എന്ന ട്വീറ്റില്‍ കമന്റുമായി സഞ്ജു സാംസണും എത്തി. അസൂയ അസൂയ എന്നാണ് ഇതിന് രാജസ്ഥാന്‍ റോയല്‍സിന്റെ ട്വിറ്റര്‍ ഹാന്‍ഡിലില്‍ നിന്ന് ലഭിച്ച മറുപടി. കളിയിലേക്ക് വരുമ്പോള്‍ മാര്‍ച്ച് 29നാണ് രാജസ്ഥാന്‍ റോയല്‍സിന്റെ ആദ്യ മത്സരം. ഹൈദരാബാദ് ആണ് ആദ്യ എതിരാളികള്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
