മുംബൈ: ഡേവിഡ് വാര്‍ണറും മിച്ചല്‍ മാര്‍ഷും ചേര്‍ന്നാണ് ഡല്‍ഹി ക്യാപിറ്റല്‍സിനെ രാജസ്ഥാന് എതിരെ എട്ട് വിക്കറ്റ് ജയത്തിലേക്ക് എത്തിച്ചത്. ഇവിടെ ഡേവിഡ് വാര്‍ണറേയും ഡല്‍ഹി ക്യാപിറ്റല്‍സിനേയും ഭാഗ്യവും തുണച്ചു.
ഡല്‍ഹി ഇന്നിങ്‌സിന്റെ 9ാം ഓവറിലാണ് സംഭവം. ചഹലിന്റെ ഡെലിവറിയില്‍ വാര്‍ണര്‍ ബൗള്‍ഡ് ആയി. എന്നാല്‍ ബെയില്സ് താഴെ വീണില്ല. ബെയില്സ് താഴെ വീഴാതിരുന്നതോടെ വാര്‍ണര്‍ക്ക് ജീവന്‍ തിരികെ കിട്ടി. അതേ ഓവറില്‍ തന്നെ രണ്ട് വട്ടമാണ് വാര്‍ണറെ പുറത്താക്കാനുള്ള അവസരം രാജസ്ഥാന് നഷ്ടപ്പെടുത്തിയത്.
ദേവ്ദത്ത് പടിക്കലും ബട്ട്‌ലറും ക്യാച്ച് നഷ്ടപ്പെടുത്തി. 41 പന്തില്‍ നിന്ന് 5 ഫോറും ഒരു സിക്‌സും സഹിതം 52 റണ്‍സ് ആണ് വാര്‍ണര്‍ എടുത്തത്. ഡല്‍ഹിയുടെ വിജയ റണ്ണും നേടിയാണ് വാര്‍ണര്‍ കളിക്കളം വിട്ടത്. മിച്ചല്‍ മാര്‍ഷ് 62 പന്തില്‍ നിന്ന് 89 റണ്‍സ് നേടി.
ഈ വാര്‍ത്ത കൂടി വായിക്കാം
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
