മുംബൈ: ചെന്നൈ സൂപ്പര് കിങ്സ് നായകന് എംഎസ് ധോനിക്ക് ഹൃദയം തൊടുന്ന കുറിപ്പുമായി ആരാധകന്. ധോനി അതിന് മറുപടി നല്കിയപ്പോള് ഫ്രെയിം ചെയ്ത് എന്നന്നേക്കുമായി സൂക്ഷിക്കുകയാണ് ചെന്നൈ സൂപ്പര് കിങ്സ്.
നിങ്ങളെ പോലെ ഇനിയൊരാള് വരില്ല എന്നെല്ലാമാണ് ആരാധകന് ധോനിക്കുള്ള കുറിപ്പില് എഴുതിയത്. നന്നായി എഴുതിയിരിക്കുന്നു, എല്ലാ ആശംസകളും എന്ന് എഴുതിയാണ് ധോനി ഇതില് ഓട്ടോഗ്രാഫ് പതിച്ചത്.
പിന്നാലെ ചെന്നൈ സൂപ്പര് കിങ്സ് ഇത് ഫ്രെയിം ചെയ്തു. അടുത്ത വര്ഷം ചെന്നൈയുടെ ക്യാപ്റ്റന് സ്ഥാനത്തേക്ക് മറ്റൊരാള് വരുമെന്ന സാധ്യത മുന്നിര്ത്തിയാണ് ആരാധകന് ധോനിക്ക് ആദരവര്പ്പിക്കുന്നത്.
കളിയിലേക്ക് വരുമ്പോള് സീസണില് ചെന്നൈ സൂപ്പര് കിങ്സിന്റെ പ്ലേഓഫ് സാധ്യതകള് അവസാനിച്ച് കഴിഞ്ഞു. സീസണില് ബാറ്റിങ്ങില് ഭേദപ്പെട്ട പ്രകടനം പുറത്തെടുക്കാന് ധോനിക്ക് കഴിഞ്ഞിരുന്നു. 34 എന്ന ബാറ്റിങ് ശരാശരിയില് നേടിയത് 203 റണ്സ്. ഒരു അര്ധ ശതകവും ഇതില് ഉള്പ്പെടുന്നു.
ഈ വാര്ത്ത കൂടി വായിക്കാം
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ