ഹെറ്റ്മയറിന്റെ ഭാര്യയുടെ പ്രസവത്തെ കുറിച്ച് കമന്റ്‌; ഗാവസ്‌കറിന് എതിരെ വിമര്‍ശനം ശക്തം

രാജസ്ഥാന്‍ റോയല്‍സ് ഫിനിഷര്‍ ഹെറ്റ്മയറിന് എതിരായ പരാമര്‍ശത്തില്‍ മുന്‍ താരം സുനില്‍ ഗാവസ്‌കറിന് എതിരെ വിമര്‍ശനം
ഫോട്ടോ: ട്വിറ്റർ
ഫോട്ടോ: ട്വിറ്റർ

മുംബൈ: രാജസ്ഥാന്‍ റോയല്‍സ് ഫിനിഷര്‍ ഹെറ്റ്മയറിന് എതിരായ പരാമര്‍ശത്തില്‍ മുന്‍ താരം സുനില്‍ ഗാവസ്‌കറിന് എതിരെ വിമര്‍ശനം. കമന്ററി ബോക്‌സിലിരുന്ന് ഹെറ്റ്മയറിന്റെ ഭാര്യയെ ചൂണ്ടി ഗാവസ്‌കര്‍ നടത്തിയ പരാമര്‍ശമാണ് വിമര്‍ശനത്തിനിടയാക്കുന്നത്. 

തന്റെ ആദ്യ കുഞ്ഞിന്റെ ജനനവുമായി ബന്ധപ്പെട്ട് നാട്ടിലേക്ക് പോയതിന് ശേഷം മടങ്ങി എത്തിയതായിരുന്നു ഹെറ്റ്മയര്‍. ഹെറ്റ്മയറിന്റെ ഭാര്യയുടെ ഡെലിവറി കഴിഞ്ഞു, ഇനി ഹെറ്റ്മയര്‍ രാജസ്ഥാന് വേണ്ടി ഡെലിവര്‍ ചെയ്യുമോ എന്ന് നോക്കാം എന്നാണ് ഗാവസ്‌കര്‍ കമന്ററി ബോക്‌സിലിരുന്ന് പറഞ്ഞത്. 

എന്നാല്‍ ആരാധകരില്‍ പലര്‍ക്കും ഗാവസ്‌കറിന്റെ ഈ പ്രയോഗം അംഗീകരിക്കാന്‍ കഴിഞ്ഞില്ല. നിലവാരമില്ലാത്ത കമന്ററിയാണ് സുനില്‍ ഗാവസ്‌കറിന്റേത് എന്നുള്‍പ്പെടെയുള്ള പ്രതികരണങ്ങളാണ് സമൂഹമാധ്യമങ്ങളില്‍ ആരാധകരില്‍ നിന്ന് ഉയരുന്നത്. 

കുഞ്ഞിന്റെ ജനനത്തിന് ശേഷം ടീമിലേക്ക് തിരികെ എത്തിയ ഹെറ്റ്മയറിന് ചെന്നൈക്കെതിരെ കാര്യമായൊന്നും ചെയ്യാനായില്ല. 7 പന്തില്‍ നിന്ന് 6 റണ്‍സ് എടുത്ത് താരം മടങ്ങി. സീസണില്‍ 12 കളിയില്‍ നിന്ന് 297 റണ്‍സ് ആണ് ഹെറ്റ്മയര്‍ സ്‌കോര്‍ ചെയ്തത്. ബാറ്റിങ് ശരാശരി 59.40. സ്‌ട്രൈക്ക്‌റേറ്റ് 163.

ഈ വാര്‍ത്ത കൂടി വായിക്കാം 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com