പെര്ത്ത്: ഓസ്ട്രേലിയയില് ആദ്യ നെറ്റ് സെഷന് കഴിഞ്ഞതിന് പിന്നാലെ പ്രതികരണവുമായി ഇന്ത്യന് ബാറ്റര് സൂര്യകുമാര് യാദവ്. ഇന്ത്യയിലേത് പോലെ എന്നാണ് ബിസിസിഐ പങ്കുവെച്ച വീഡിയോയില് സൂര്യകുമാര് പറയുന്നത്.
ആദ്യ നെറ്റ് സെഷന് വേണ്ടി ഞാന് കാത്തിരിക്കുകയായിരുന്നു. ഗ്രൗണ്ടിലേക്ക് ഇറങ്ങി നടന്നു, ഓടി. എന്താണ് ഇവിടെ നിന്ന് ലഭിക്കുന്ന അനുഭവം എന്നത് ശ്രദ്ധിച്ചു. ആദ്യത്തെ നെറ്റ് സെഷന് അത്ഭുതപ്പെടുത്തുന്നതായിരുന്നു. വിക്കറ്റിലെ പേസും ബൗണ്സും എങ്ങനെ എന്ന് അറിയുകയാണ് ലക്ഷ്യം വെച്ചത്, സൂര്യകുമാര് പറയുന്നു.
പതിയെയാണ് തുടങ്ങിയത്. ആകാംക്ഷ മനസില് നിറഞ്ഞു. എന്നാല് ഈ അന്തരീക്ഷത്തിനൊപ്പം ഇണങ്ങണം എന്ന ചിന്ത മനസിലുണ്ടായി. എക്സൈറ്റഡ് ആയിരുന്നു. അതിനൊപ്പം തന്നെ ദിനചര്യങ്ങള് പിന്തുടരുക എന്നത് പ്രധാനപ്പെട്ടതാണെന്നും സൂര്യകുമാര് പറഞ്ഞു.
വ്യാഴാഴ്ചയാണ് ഇന്ത്യന് ടീം ഓസ്ട്രേലിയയിലേക്ക് പറന്നത്. വെള്ളിയാഴ്ച ഇന്ത്യന് സംഘം പരിശീലനം ആരംഭിച്ചു. അടുത്ത ദിവസങ്ങളില് ഇന്ത്യ പരിശീലന മത്സരം കളിക്കുന്നുണ്ട്. അതിന് ശേഷമാണ് ഓസ്ട്രേലിയക്കും ന്യൂസിലന്ഡിനും എതിരായ ലോകകപ്പ് സന്നാഹ മത്സരം.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
