ജോഹന്നാസ് ബര്‍ഗ്: പ്രഥമ അണ്ടര്‍ 19 വനിതാ ട്വന്റി 20 ലോകകപ്പ് കിരീടം തേടി ഇന്ത്യന്‍ യുവതാരങ്ങള്‍ ഇന്നിറങ്ങും. ഫൈനലില്‍ ഇംഗ്ലണ്ട് ആണ് എതിരാളികള്‍. പോച്ചഫ്‌സ്ട്രൂമിലെ സെവന്‍സ് പാര്‍ക്കില്‍ ഇന്ത്യന്‍ സമയം വൈകീട്ട് 5.15 നാണ് മത്സരം തുടങ്ങുക.
സെമിഫൈനലില്‍ ന്യൂസിലന്‍ഡിനെതിരെ എട്ടു വിക്കറ്റ് വിജയവുമായാണ് ഇന്ത്യന്‍ വനിതകള്‍ ഫൈനലിലെത്തിയത്. ഇന്ത്യന്‍ സീനിയര്‍ ടീമംഗം ഷെഫാലി വര്‍മ്മയാണ് ഇന്ത്യന്‍ കൗമാരപ്പടയെ നയിക്കുന്നത്. രാജ്യാന്തര തലത്തില്‍ ഇന്ത്യന്‍ വനിതാ ടീം ലോകകപ്പ് നേടിയിട്ടില്ല എന്ന കുറവ് നികത്തുക കൂടി ടീം ലക്ഷ്യമിടുന്നു.
ഇന്ത്യന്‍ വനിതാ സീനിയര്‍ ടീം രണ്ടു തവണ ഏകദിന ലോകകപ്പിലും ഒരു തവണ ട്വന്റി 20 ലോകകപ്പിലും ഫൈനലിലെത്തിയിരുന്നു. എന്നാല്‍ ഫൈനലില്‍ പരാജയപ്പെടുകയായിരുന്നു. ഓസ്‌ട്രേലിയയെ പരാജയപ്പെടുത്തിയാണ് ഇംഗ്ലണ്ട് കലാശപ്പോരിന് അര്‍ഹത നേടിയത്. മത്സരം സ്റ്റാര്‍ സ്‌പോര്‍ട്‌സ് ചാനലുകളില്‍ തതസമയം കാണാനാകും.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
