'തിരുവന്ത്രം... പിതൃം, തിരും...പുരം... മ്പ്രം, തിരു... വരന്തം... പുരം!'- 'തിരുവനന്തപുരം' പറയാൻ പാടുപെട്ട് ദക്ഷിണാഫ്രിക്കൻ താരങ്ങൾ (വീഡിയോ)

തിരുവനന്തപുരം: ഏകദിന ലോകകപ്പ് സന്നാഹ മത്സരങ്ങൾക്കായി തിരുവനന്തപുരത്തെത്തിയ ദ​ക്ഷിണാഫ്രിക്കൻ താരങ്ങൾ തങ്ങളെത്തിയ സ്ഥലത്തിന്റെ പേര് പറയാൻ കഷ്പ്പെട്ടു. ഇതിന്റെ വീഡിയോ വൈറലായി മാറി. ഇവരെ ട്രോളി ശശി തരൂർ എംപി എത്തിയതും ശ്രദ്ധേയമായി. 

'ദക്ഷിണാഫ്രിക്കൻ താരങ്ങൾ തിരപുവനന്തപുരത്ത് എത്തി. അവർ എവിടെയാണ് എത്തിയതെന്നു ആരോടെങ്കിലും പറയാൻ സാധിക്കുമോ?'- എന്ന ചോ​ദ്യമാണ് എക്സിൽ വീഡിയോ പങ്കിട്ട് തരൂർ ചോ​ദിച്ചത്. 

പല താരങ്ങളും തിരുവനന്തപുരം എന്ന സ്ഥലപ്പേര് പറയാൻ നിരന്തരം ശ്രമിച്ചിട്ടും പരാജയപ്പെട്ടു. ചിലർ കൃത്യമായി പറയുന്നതും വീഡിയോയിൽ കാണാം. ചിരിപ്പിക്കുന്ന പല വാക്കുകളാണ് ചില താരങ്ങൾ പറഞ്ഞത്. 

തിരുവൻ... പുട്ടണം, തിരുപുനോമന, തിരുവന്ത്രം... പിതൃം, തിരും... പുരം... മ്പ്രം, തിരു... വരന്തം... പുരം, തിരുവനം... തരപുനൻ- ഇങ്ങനെ പോകുന്ന താരങ്ങൾ പറയുന്ന പേരുകൾ. 

കൂട്ടത്തിൽ തപ്പിത്തടയാതെ കൃത്യമായ ഒഴുക്കിൽ പറയുന്ന ഏക താരം ക​ഗിസോ റബാഡയാണ്. കേശവ് മഹാരാജും വലിയ പ്രശ്നങ്ങളില്ലാതെ പറഞ്ഞു. ലുൻ​ഗി എൻ​ഗിഡിയും ടാസ്കിൽ വിജയം കണ്ടു. തിരുവനന്തം... പുരം എന്നായിരുന്നു ടബരിസ് ഷംസി പറഞ്ഞൊപ്പിച്ചത്. 

ഹെൻറിച് ക്ലാസൻ, ഡേവി‍ഡ് മില്ലർ, റസി വാൻ ഡെർ ഡുസൻ, ആന്റിൽ ഫെലുക്വായോ, ജെറാൾഡ് കൊയെറ്റ്സി എന്നിവരെല്ലാം തിരുവനന്തപുരം ടാസ്കിൽ പരാജയപ്പെട്ടു. ക്ലാസൻ ഒന്നിലധികം തവണ പറഞ്ഞെങ്കിലും ഒന്നും ഒത്തില്ല. അദ്ദേഹം ട്രിവാൻ‍ഡ്രം എന്നു പറഞ്ഞു തടി രക്ഷപ്പെടുത്തി. 

ഈ വാര്‍ത്ത കൂടി വായിക്കൂ 

സ്റ്റീപ്പിള്‍ചെയ്‌സില്‍ ഇന്ത്യക്ക് ഇരട്ട മെഡല്‍; പരുള്‍ ചൗധരിക്ക് വെള്ളി, പ്രീതിക്ക് വെങ്കലം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ