ന്യൂഡൽഹി: മുൻ ഇന്ത്യൻ ഓപ്പണറും ഇതിഹാസ താരവുമായ വീരേന്ദർ സെവാഗും ഭാര്യ ആരതി അഹ്ലാവതും വിവാഹ ബന്ധം അവസാനിപ്പിക്കാൻ ഒരുങ്ങുന്നതായി റിപ്പോർട്ടുകൾ. മാസങ്ങളായി ഇരുവരും വേർപിരിഞ്ഞാണ് താമസിക്കുന്നത്. ഇരുവരും ഇൻസ്റ്റഗ്രാമിൽ അൺഫോളോ ചെയ്തതായും വാർത്തകളുണ്ട്.
2004ലാണ് സെവാഗും ആരതിയും വിവാഹിതരായത്. വിവാഹ മോചന വാർത്തകൾ പ്രചരിക്കുന്നുണ്ടെങ്കിലും ഇരുവരും ഇതുമായി ബന്ധപ്പെട്ട് പ്രതികരിച്ചിട്ടില്ല. സെവാഗ് ആരതി ദമ്പതിമാർക്ക് രണ്ട് ആൺ കുട്ടികളുണ്ട്. ആര്യവീർ, വേദാന്ത്.
ഇന്ത്യക്കായി ടെസ്റ്റിൽ ആദ്യമായി ട്രിപ്പിൾ സെഞ്ച്വറി നേടിയ താരമാണ് സെവാഗ്. ടെസ്റ്റിൽ രണ്ട് ട്രിപ്പിൾ സെഞ്ച്വറിയുള്ള ഏക താരവും സെവാഗാണ്. 2013ലാണ് ഇതിഹാസ ഓപ്പണർ വിരമിച്ചത്. ഇന്ത്യക്കായി 104 ടെസ്റ്റുകളും 251 ഏകദിന മത്സരങ്ങളും താരം കളിച്ചു. ടെസ്റ്റിൽ 23 സെഞ്ച്വറികളും ഏകദിനത്തിൽ 15 സെഞ്ച്വറികളും സെവാഗ് നേടിയിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
