'കയറിപ്പോ!'- വരുണിന്റെ ആഘോഷം അതിരുവിട്ടു; വൻ തുക പിഴ (വിഡിയോ)

കൊൽക്കത്ത: ചെന്നൈ സൂപ്പർ കിങ്സിനെതിരായ മത്സരത്തിൽ പരിധിവിട്ട് വിക്കറ്റ് നേട്ടം ആഘോഷിച്ച കൊൽക്കത്ത നൈറ്റ്റൈഡേഴ്സ് സ്പിന്നർ വരുൺ ചക്രവർത്തിക്കു വൻ തുക പിഴ ചുമത്തി. അച്ചടക്ക ലംഘനം നടത്തിയതിന്റെ പേരിലാണ് നടപടി. അർധ സെഞ്ച്വറി നേടിയ ഡെവാൾഡ് ബ്രെവിസിനെ പുറത്താക്കിയപ്പോൾ കയറിപ്പോകാനായി കൈ കൊണ്ടു ആം​ഗ്യം കാണിച്ചതാണു നടപടിക്കു കാരണം. മാച്ച് ഫീയുടെ 25ശതമാനം താരം പിഴയടയ്ക്കണം.

മാച്ച് റഫറിയുടെ ശിക്ഷാ നടപടി താരം അം​ഗീകരിച്ചു. താരത്തിനെതിരെ ഒരു ‍ഡിമെറിറ്റ് പോയിന്റ് ചുമത്തുമെന്നു സംഘാടകർ അറിയിച്ചു.

'രോഹിത് ശർമ അത്ഭുത താരം, അദ്ദേഹത്തെ പോലെ കളിച്ചവർ അപൂർവം'- അഭിനന്ദിച്ച് കപിൽ

മത്സരത്തിൽ അതിവേ​ഗ അർധ സെഞ്ച്വറിയുമായി ബ്രെവിസ് തിളങ്ങിയിരുന്നു. താരം 25 പന്തിൽ 52 റൺസെടുത്തു നിൽക്കെ ചക്രവർത്തിയുടെ പന്തിൽ റിങ്കു സിങ് ക്യാച്ചെടുത്താണു പുറത്താക്കിയത്. വിക്കറ്റ് ലഭിച്ചതോടെ ചക്രവർത്തിയുടെ ആഘോഷം അതിരുവിട്ടു. മത്സരത്തിൽ കൊൽക്കത്ത തോൽവിയറിഞ്ഞു. അവരുടെ പ്ലേ ഓഫും തുലാസിലായി.