മൂന്നാര്:അനധികൃത കയ്യേറ്റം ഒഴിപ്പിക്കാന് എന്നപേരില് മൂന്നാറില് ഇപ്പോള് നടക്കുന്നത് തെമ്മാടിത്തരമെന്ന് സിപിഎം ഇടുക്കി ജില്ലാ സെക്രട്ടറി കെ.കെ ജയചന്ദ്രന്. കയ്യേറ്റം ഒഴിപ്പിക്കാനായി 100 പൊലീസുകാരെ കൊണ്ടുവന്നത് ശരിയായില്ല. ഭരണം കയ്യേറാമെന്ന് സബ്കളക്ടറും മാധ്യമങ്ങളും കരുതണ്ട. ജയചന്ദ്രന് പറഞ്ഞു.
വന് പൊലീസ് സന്നാഹത്തോടെ ഇന്ന് രാവിലെ മുതലാണ് റവന്യു വകുപ്പ് അനധികൃത കയ്യേറ്റങ്ങള് ഒഴുപ്പിക്കല് തുടങ്ങിയത്. സൂര്യനെല്ലി പാപ്പാത്തിച്ചോലയില് അനധികൃതമായി കുരിശ് സ്ഥാപിച്ച് കയ്യേറിയ സ്ഥലം റവന്യുവകുപ്പ്് ഒഴിപ്പിച്ചു. കുരിശ് പൊളിച്ചുനീക്കുകയും സമീപത്തുണ്ടായിരുന്ന ഡെ് പൊളിച്ചു കത്തിക്കുകയും ചെയ്തു. ഇതിന് പിന്നാലെയാണ് റവന്യുവകുപ്പിന്റെ നടപടികള്ക്കെതിരെ വീണ്ടും സിപിഎം രംഗത്ത് വന്നിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ