തിരുവനന്തപുരം: പ്രത്യേക നിയമസഭാ സമ്മേളനം വിളിച്ചു ചേര്ക്കുന്നതുമായി ബന്ധപ്പെട്ട കാര്യങ്ങള് ചര്ച്ച ചെയ്യുന്നതിനായി ഇന്ന് മന്ത്രിസഭാ യോഗം ചേരും. കച്ചവടത്തിനായുള്ള കന്നുകാലി വില്പ്പന നിരോധിച്ച കേന്ദ്ര സര്ക്കാര് ഉത്തരവിനെതിരെ നിയമസഭയില് പ്രമേയം പാസാക്കുന്നതും മന്ത്രിസഭാ യോഗത്തിന്റെ പരിഗണനയില് വരും.
നിയമസഭാ സമ്മേളനത്തിന്റെ തീയതി സംബന്ധിച്ചും ഇന്നത്തെ മന്ത്രിസഭാ യോഗത്തില് തീരുമാനമുണ്ടാകും. ജൂണ് 7നോ, 8നോ നിയമസഭാ സമ്മേളനം വിളിച്ചു ചേര്ത്തേക്കുമെന്നാണ് സൂചന.
ബുധനാഴ്ച ചേര്ന്ന മന്ത്രിസഭാ യോഗത്തില് കേന്ദ്ര സര്ക്കാര് വിജ്ഞാപനത്തെ നിയമപരമായി തന്നെ നേരിടാന് മന്ത്രിസഭാ യോഗം തീരുമാനിച്ചിരുന്നു. എജി, മുതിര്ന്ന അഭിഭാഷകര് എന്നിവരുടെ നിര്ദേശം പരിഗണിച്ച് കോടതിയെ സമീപിക്കാനും മന്ത്രിസഭാ യോഗം തീരുമാനമെടുത്തിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
