കൊച്ചി: ഓടുന്ന വാഹനത്തില്‍ യുവനടി ആക്രമിക്കപ്പെട്ട സംഭവത്തില്‍ നടിക്കെതിരെ രൂക്ഷവിമര്‍ശനവുമായി നടന്‍ ദിലീപ്. പള്‍സര്‍ സുനിയും നടിയും ഒരുമിച്ച് നടന്നവരെന്നായിരുന്നു ദിലീപ് പറഞ്ഞത്. ഒരുസ്വകാര്യ ചാനല്‍ അഭിമുഖത്തിലായിരുന്നു ദിലീപിന്റെ വിവാദ പരാമര്‍ശം.
പള്‍സര്‍ സുനിയും നടിയും സുഹൃത്തുക്കളായിരുന്നെന്നും ആരോടൊക്കെ കൂട്ട് കൂടണമെന്ന് ആലോചിച്ച് തീരുമാനിക്കണമെന്നും എനിക്ക് അത്തരക്കാരായി കൂട്ടില്ലെന്നും ദിലീപ് പറഞ്ഞു. ഇവര്‍ ഒരുമിച്ച് ഗോവയില്‍ ജോലി ചെയ്തിരുന്നെന്ന് സംവിധായകന്‍ ലാല്‍ പറഞ്ഞിട്ടുണ്ടെന്നും ദിലീപ് പറഞ്ഞു.
കുറച്ച് നാളുകളായി തന്നെ തകര്‍ക്കാന്‍ ഉദ്ദേശിക്കുന്നവരുടെ ഗൂഢ ലക്ഷ്യത്തിന്റെ ഭാഗമാണ് ഇപ്പോള്‍ നടക്കുന്ന സംഭവ വികാസങ്ങളെല്ലാമെന്ന് ദിലീപ് പറഞ്ഞിരുന്നു. തന്റെ നിരപരാധിത്വം തെളിയിക്കാന്‍ ഏത് പരിശോധനയ്ക്കും താന്‍ തയ്യാറാണെന്നും ദിലീപ് വ്യക്തമാക്കിയിരുന്നു. ദിലീപിന് പിന്തുണ പ്രഖ്യാപിച്ച് സംവിധായകന്‍ ലാല്‍ജോസും സലീം കുമാറും അജുവര്‍ഗീസും രംഗത്തെത്തിയിരുന്നു. ദിലീപിനൊപ്പം പീഡനത്തിന് ഇരയായ പെണ്‍കുട്ടിയെ നുണപരിശോധനയ്ക്ക് വിധേയമാക്കണമെന്ന പരാമര്‍ശവും വിവാദമായിരുന്നു.
പള്‍സര്‍ സുനി ദിലീപിന്റെ മാനേജര്‍ അപ്പുണ്ണിയെ പള്‍സര്‍ സുനി വിളിച്ചതിന്റെ ശബ്ദരേഖ ഇന്നലെ പുറത്ത് വന്നിരുന്നു. ഒന്നരക്കോടി രൂപ ആവശ്യപ്പെട്ടായിരുന്നു ഫോണ്‍കോള്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
