തിരുവനന്തപുരം: ബിനോയ് കോടിയേരിയുടെ സാമ്പത്തിക ഇടപാടുകളെക്കുറിച്ച് സര്ക്കാരിനു പരാതി ലഭിച്ചിട്ടില്ലന്ന് മുഖ്യമന്ത്രി പിണറായി വിജയന്. ഇക്കാര്യത്തില് സര്ക്കാര് അന്വേഷണം നടത്തില്ലെന്നും മുഖ്യമന്ത്രി നിയമസഭയില് പറഞ്ഞു.
ആരോപണങ്ങളുടെ പേരില് പ്രതിപക്ഷം ഉന്നയിക്കുന്ന പോലെ അന്വേഷണം നടത്താന് സര്ക്കാരിനാവില്ല. ബിനോയ് കോടിയേരിയുടെ സാമ്പത്തിക ഇടപാടില് സര്ക്കാരിനു പരാതി ലഭിച്ചിട്ടില്ല. സര്ക്കാരിന് അതില് പ്രശ്നമില്ല. പാര്ട്ടിക്കു ചേരാത്ത പ്രശ്നമാണെങ്കില് പാര്ട്ടി നടപടിയെടുക്കുമെന്ന് മുഖ്യമന്ത്രി വ്യക്തമാക്കി.
പ്രതിപക്ഷ നേതാവ് രമേശ് ചെന്നിത്തലയാണ്, സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന് ബിനോയ് കോടിയേരി ഉള്പ്പെട്ട വിഷയം സഭയില് ഉന്നയിച്ചത്. ഇക്കാര്യത്തില് സര്ക്കാര് അന്വേഷണം നടത്തണമെന്ന് ചെന്നിത്തല ആവശ്യപ്പട്ടു. ചവറ എംഎല്എ വിജയന് പിള്ളയുടെ മകന് ശ്രീജിത്തിനെതിരെ കേസുണ്ട്. ഗുരുതരമായ ആരോപണങ്ങളാണ് ഉന്നയിക്കപ്പെട്ടിട്ടുള്ളതെന്ന് ചെന്നിത്തല പറഞ്ഞു.
അന്വേഷണം നടത്തില്ലെന്ന മുഖ്യമന്ത്രിയുടെ മറുപടിയില് പ്രതിഷേധിച്ച് പ്രതിപക്ഷം സഭയില്നിന്ന് ഇറങ്ങിപ്പോയി. ജനാധിപത്യ വിരുദ്ധമായ നിലപാടാണ് മുഖ്യമന്ത്രിയുടേതെന്ന് ചെന്നിത്തല കുറ്റപ്പെടുത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ