മോ​ദി സർക്കാർ നാടിനേയും ജനങ്ങളേയും വഞ്ചിച്ചു; ബിജെപി കൗൺസിലർ സിപിഎം സമരത്തിൽ

തിരുവനന്തപുരം: സിപിഎം സമര വേദിയിൽ ബിജെപി കൗൺസിലറും. തിരുവനന്തപുരം കോർപറേഷൻ കൗൺസിലർ വിജയ കുമാരിയാണ് സിപിഎം സമരത്തിൽ പങ്കെടുത്തത്.

കേന്ദ്ര സർക്കാർ നയങ്ങൾക്കെതിരായ സമരത്തിലാണ് പാൽക്കുളങ്ങര വാർഡ് കൗൺസിലറായ വിജയ കുമാരി പങ്കെടുത്തത്. മോദി സർക്കാർ നാടിനേയും ജനങ്ങളേയും വഞ്ചിച്ചതായി അവർ പറഞ്ഞു.

തദ്ദേശ തെരഞ്ഞെടുപ്പിൽ സിപിഎം അം​ഗത്തെ പരാജയപ്പെടുത്തിയാണ് ഇവർ ആദ്യമായി പാൽക്കുളങ്ങര വാർഡിൽ വിജയിച്ചത്. അതേസമയം ബിജെപി ജില്ലാ നേതൃത്വവുമായി വിജയ കുമാരി കുറച്ച് കാലമായി ഇടഞ്ഞു നിൽക്കുകയാണെന്ന റിപ്പോർട്ടുകളുമുണ്ട്.