കൊച്ചി: കൊച്ചിയില് മുന് മിസ് കേരള ജേതാക്കള് വാഹനാപകടത്തില് കൊല്ലപ്പെട്ട സംഭവത്തില് ദുരൂഹതയേറുന്നു. ഫോര്ട്ട്കൊച്ചിയിലെ നമ്പര് 18 ഹോട്ടലില് നിന്നും കെ.എല് 40 ജെ 3333 എന്ന രജിസ്ട്രേഷനിലുള്ള ഔഡികാറാണ് അന്സി കബീറിന്റെ വാഹനത്തെ പിന്തുടര്ന്നത്. ഔഡി കാര് ഓടിച്ചിരുന്ന സൈജുവിനോട് അന്വേഷണസംഘത്തിന് മുന്നില് ഹാജരാകാന് ആവശ്യപ്പെട്ടു.
ഹോട്ടലില് നിന്നും ഔഡി കാര് പിന്തുടര്ന്നതാണ് അപകട കാരണമെന്ന് അപകടത്തില്പ്പെട്ട കാറിന്റെ െ്രെഡവര് പോലീസിന് മൊഴി നല്കിയിരുന്നു. ഇതിന് പിന്നാലെയാണ് ഹാജരാവാന് പൊലീസ് ആവശ്യപ്പെട്ടത്. ഇത് ഉറപ്പിക്കാവുന്ന വിഡിയോ ദൃശ്യങ്ങളും പൊലീസ് ശേഖരിച്ചിട്ടുണ്ട്. കാറുകളുടെ മത്സരയോട്ടം നടന്നോയെന്നാണ് പൊലീസ് പരിശോധിക്കുന്നത്. ഇവര് ഹോട്ടലില്നിന്നു മടങ്ങുമ്പോള് കുണ്ടന്നൂരില്വച്ച് മറ്റൊരു വാഹനത്തിന്റെ െ്രെഡവറുമായി തര്ക്കമുണ്ടായെന്ന വിവരം പൊലീസിനു ലഭിച്ചിരുന്നു.
ഇക്കാര്യങ്ങള് പരിശോധിച്ചു വരുന്നതായാണ് പൊലീസ് വിശദീകരണം. വിഡിയോ ദൃശ്യങ്ങളിലുള്ള വാഹനം ഇവരെ ലക്ഷ്യമിട്ടു തന്നെയാണോ അതിവേഗത്തിലെത്തിയത് എന്നതിലും വ്യക്തത വരാനുണ്ട്. നിലവില് റിമാന്ഡിലുള്ള അബ്ദുല് റഹ്മാനെ പൊലീസിനു തിങ്കളാഴ്ച കസ്റ്റഡിയില് ലഭിക്കുമെന്നാണ് കരുതുന്നത്. തുടര്ന്നു വിശദമായി ചോദ്യം ചെയ്യും.
അപകടം നടന്ന ശേഷം പിന്തുടര്ന്ന ഔഡി കാറില് നിന്ന് ഒരാള് ഇറങ്ങി വരികയും കാര്യങ്ങള് നിരീക്ഷിക്കുകയും ചെയ്തിരുന്നു. ഇവരുടെ സുഹൃത്തുക്കളും മറ്റ് വാഹനങ്ങളില് അവിടെ എത്തിയിരുന്നു. അവര് മാറി നിന്ന് വിവരങ്ങള് നിരീക്ഷിച്ച ശേഷം മടങ്ങിയദൃശ്യങ്ങളാണ് പൊലീസിന് ലഭിച്ചത്. ഇത് നമ്പര് 18 ഹോട്ടല് ഉടമ റോയി ആണെന്നാണ് പൊലീസ് സംശയിക്കുന്നത്. ഔഡി കാറില് ഉണ്ടായിരുന്നവരും മദ്യപിച്ചിരുന്നതായും ഇവര് പിന്നീട് അപകടത്തില്പ്പെട്ടവരെ കൊണ്ടുപോയ ആശുപത്രിയിലും എത്തുകയും അവിടുത്തെ സാഹചര്യങ്ങള് വിലയിരുത്തിയിരുന്നതായും വിവരം ലഭിച്ചിട്ടുണ്ട്.
ഏത് സാഹചര്യത്തിലാണ് ഹോട്ടലില് നിന്നും ഔഡി കാര് അന്സിയുടെ കാറിനെ പിന്തുടര്ന്നത് എന്നതാണ് പൊലീസ് അന്വേഷിക്കുന്നത്. പ്രാഥമിക വിവരശേഖരണത്തില് അന്സി കബീറും സുഹൃത്തുക്കളും മദ്യപിച്ചിരുന്നുവെന്നും മദ്യപിച്ച് വാഹനം ഓടിക്കരുത് എന്ന മുന്നറിയിപ്പ് നല്കുന്നതിനാണ് ഇവരെ പിന്തുടര്ന്ന് വന്നതെന്നുമായിരുന്നു ഔഡി കാര് ഓടിച്ചിരുന്ന സൈജു പൊലീസിന് മൊഴി നല്കിയത്. എന്നാല് ഇത് പൊലീസ് വിശ്വാസത്തിലെടുത്തിട്ടില്ല. ഈ സാഹചര്യത്തിലാണ് പോലീസ് ഹാജരാകാന് ആവശ്യപ്പെട്ടിരിക്കുന്നത്.
അതേസമയം കുണ്ടന്നൂരില് വെച്ച് ഔഡി കാറിലുണ്ടായിരുന്നവര് അന്സിയുടെ കാറിനെ തടയുകയും മുന്നോട്ട് പോകരുതെന്നും തിരികെ ഹോട്ടലിലേക്ക് വരാന് ആവശ്യപ്പെട്ടതായും റിപ്പോര്ട്ടുകളുണ്ട്. ഫോര്ട്ട് കൊച്ചിയില് നിന്നും ചക്കരപ്പറമ്പ് വരെയുള്ള ഭാഗത്തുവരേയുള്ള സി.സി.ടി.വി ദൃശ്യങ്ങള് പോലീസ് ശേഖരിച്ചിട്ടുണ്ട്. ഇതില് നിന്നുമാണ് ഔഡി കാര് ഫോര്ട്ട് കൊച്ചിയിലെ ഹോട്ടല് മുതല് അപകട സ്ഥലംവരെ അന്സിയുടെ കാറിനെ പിന്തുടര്ന്നതായുള്ള വിവരം ലഭിച്ചത്.
ഹോട്ടലിലെ ഡിജെ പാര്ട്ടി നടന്ന ഹാളിലെ സിസിടിവി ദൃശ്യങ്ങള് ഹോട്ടലുടമ റോയി ഒളിപ്പിക്കുകയായിരുന്നു. പോലീസ് രണ്ട് തവണ ഹോട്ടലില് പരിശോധന നടത്തിയിരുന്നെങ്കിലും സി.സി.ടി.വി ദൃശ്യങ്ങള് ലഭിച്ചിരുന്നില്ല. തുടര്ന്ന് ഹോട്ടല് ജീവനക്കാരനെ ചോദ്യം ചെയ്യുമ്പോഴാണ് ഡി.വി.ആര് ഹോട്ടലുടമ ഒളിപ്പിച്ചതായി മൊഴി നല്കിയത്.
ഒക്ടോബര് 31ാം തീയതി ഫോര്ട്ട് കൊച്ചിയിലെ നമ്പര് 18 ഹോട്ടലിലെ ഡിജെ പാര്ട്ടി കഴിഞ്ഞ് മടങ്ങുമ്പോഴായിരുന്നു മുന് മിസ് കേരള അന്സി കബീറും രണ്ട് സുഹൃത്തുക്കളും വാഹനാപകടത്തില് മരിച്ചത്. തുടര്ന്ന് തൊട്ടടുത്ത ദിവസം തന്നെ ഹോട്ടലിലെ ഡി ജെ പാര്ട്ടി നടന്ന ഹാളിലെ സി.സി.ടി.വി ദൃശ്യങ്ങള് മാറ്റിയത്. ഹോട്ടലുടമ റോയിയുടെ നിര്ദ്ദേശ പ്രകാരം െ്രെഡവര് ഡിവിആര് വാങ്ങിക്കൊണ്ട് പോയി എന്നാണ് ജീവനക്കാരന് മൊഴി നല്കിയിരിക്കുന്നത്.
ഇതിനിടെ സംഭവവുമായി ബന്ധപ്പെട്ട് പൊലീസ് പരിശോധന നടത്തിയ മട്ടാഞ്ചേരിയിലെ ഹോട്ടല് നമ്പര് 18 ഹോട്ടല് ഉടമ ഒളിവില് പോയതായി പൊലീസ് സംശയിക്കുന്നുണ്ട്. ഇയാളെ ബന്ധപ്പെടാന് ശ്രമിച്ചിട്ടും സാധിക്കുന്നില്ലെന്നാണ് വിവരം. ഇയാളുടെ നിര്ദേശപ്രകാരം ഹോട്ടലിലെ സിസിടിവി ദൃശ്യങ്ങള് അടങ്ങിയ ഹാര്ഡ് ഡിസ്ക് ഒളിപ്പിച്ചിരുന്നു. ദുരൂഹത നീങ്ങാന് ഹോട്ടല് ഉടമയെ ചോദ്യം ചെയ്യേണ്ടി വരും
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ