കോഴിക്കോട്: നാദാപുരം എസ്ഐയെ ഭീഷണിപ്പെടുത്തി വീഡിയോ പോസ്റ്റ് ചെയ്തയാള് അറസ്റ്റില്. കണ്ണൂര് നാറാത്ത് സ്വദേശി എം ഷമീമാണ് പിടിയിലായത്. വീട് ആക്രമണക്കേസില് പ്രതിയായിന് പിന്നാലെയാണ് ഭീഷണി മുഴക്കിയത്.
ക്വട്ടേഷന് സംഘം വീടാക്രമിച്ച കേസിലാണ് ഇയാളെ പ്രതിയാക്കിയത്. തുടര്ന്ന് പൊലിസിനെ വെല്ലുവിളിച്ചാണ് ഷമീം ഇന്സ്റ്റാഗ്രാമില് വീഡിയോ പോസ്റ്റിട്ടത്. നാദാപുരം എസ്ഐയെയാണ് പ്രതി ഭീഷണിപ്പെടുത്തുന്നത്.
'എസ്ഐ സൂക്ഷിച്ചു കളിക്കണം, അല്ലെങ്കില് ജീവനു ഭീഷണിയാണ്. നാദാപുരംകാരും സൂക്ഷിക്കണം' എന്നാണ് ഷമീം വീഡിയോയിലെ ഭീഷണി സന്ദേശത്തില് പറയുന്നത്. എസ്ഐയെ ഭീഷണിപ്പെടുത്തുന്ന വീഡിയോ പുറത്തുവന്നതിന് പിന്നാലെ ഒളിവില് കഴിഞ്ഞിരുന്ന പ്രതിക്കായി പൊലീസ് അന്വേഷണം ആരംഭിച്ചിരുന്നു. ചൊവ്വാഴ്ച രാത്രിയായിരുന്നു നാദാപുരത്തെ വീടുകയറിയുള്ള ക്വട്ടേഷന് സംഘത്തിന്റെ ആക്രമണം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ