പാലക്കാട്: കാറില് കടത്താന് ശ്രമിച്ച 150 കിലോ ചന്ദനം പിടികൂടി. വാളയാറില് വച്ചാണ് ഇവ പിടിച്ചെടുത്തത്. സംഭവവുമായി രണ്ട് യുവാക്കള് അറസ്റ്റിലായി. വല്ലപ്പുഴ സ്വദേശികളായ ഉനൈസ്, അനസ് എന്നിവരെയാണ് എക്സൈസ് പിന്തുടര്ന്ന് പിടികൂടിയത്.
കാറിന്റെ പ്ലാറ്റ്ഫോമിലുണ്ടാക്കിയ രഹസ്യ അറയിലാണ് ചന്ദന മുട്ടികള് സൂക്ഷിച്ചിരുന്നത്. സേലത്തു നിന്ന് തൃത്താല ഭാഗത്തേക്കാണ് യുവാക്കള് ചന്ദനം കടത്താന് ശ്രമിച്ചത്.
വാളയാര് ടോള് പ്ലാസയില് വാഹന പരിശോധനക്കിടെയാണ് സംഘത്തെ പിടികൂടിയതെന്ന് എക്സൈസ് അധികൃതര് വ്യക്തമാക്കി. കൈ കാണിച്ചിട്ടും കാര് നിര്ത്താതെ പോയതിനെ തുടര്ന്നാണ് യുവാക്കളെ പിന്തുടര്ന്ന് പിടികൂടിയത്.
വൈസ് പാര്ക്കിന് സമീപത്ത് വച്ച് കാര് തടഞ്ഞു. പിന്നാലെ കാറിലുണ്ടായിരുന്ന യുവാക്കള് ഇറങ്ങി ഓടി. പുഴ ലക്ഷ്യമിട്ട് ഓടിയ ഇരുവരേയും എക്സൈസ് സംഘം ഓടിച്ചിട്ട് പിടിക്കുകയായിരുന്നു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
