അശ്ലീലദൃശ്യം നിര്‍മ്മിക്കാന്‍ പ്രേരിപ്പിച്ചു; യുവതിയുടെ പരാതി; ക്രൈം നന്ദകുമാര്‍ അറസ്റ്റില്‍

കൊച്ചി:  അശ്ലീലദൃശ്യം നിര്‍മ്മിക്കാന്‍ പ്രേരിപ്പിച്ചെന്ന മുന്‍ ജീവനക്കാരിയുടെ പരാതിയില്‍ ക്രൈം നന്ദകുമാര്‍ അറസ്റ്റില്‍. എറണാകുളം നോര്‍ത്ത് പൊലീസാണ് നന്ദകുമാറിനെ അറസ്റ്റ് ചെയ്തത്. പട്ടികജാതി - പട്ടിക വര്‍ഗ പീഡന നിരോധനനിയമപ്രകാരമാണ് അറസ്റ്റ്.

ഇന്ന് രാവിലെ എട്ടുമണിയോടെ ചേരാനെല്ലൂരിലെ വീട്ടില്‍ വച്ചാണ് നന്ദകുമാറിനെ പൊലീസ് അറസ്റ്റ് ചെയ്തത്. അതിന് പിന്നാലെ കലൂര്‍ ദേശാഭിമാനി റോഡിലെ നന്ദകുമാറിന്റെ ഓഫീസിലും പൊലീസ് പരിശോധന നടത്തി. ഏപ്രില്‍ മാസത്തിലാണ് കേസിനാസ്പദമായ സംഭവം ഉണ്ടായതെന്ന് പൊലീസ് പറഞ്ഞു.

അശ്ലീലദൃശ്യം നിര്‍മ്മിക്കാന്‍ കൂട്ടുനില്‍ക്കാത്തതിനെ തുടര്‍ന്ന് നന്ദകുമാര്‍ മാനസികമായി പീഡിപ്പിച്ചതായും തുടര്‍ന്ന് സ്ഥാപനം വിടുകയായിരുന്നെന്നും കാക്കനാട് സ്വദേശിയായ യുവതി പൊലീസില്‍ നല്‍കിയ പരാതിയില്‍ പറയുന്നു.

നേരത്തെ മന്ത്രി വീണാ ജോര്‍ജിനെതിരെ അപകീര്‍ത്തികരമായ പരാമര്‍ശം നടത്തിയതിന് ക്രൈം നന്ദകുമാറിനെ കാക്കനാട് പൊലീസ് അറസ്റ്റ് ചെയ്തിരുന്നു. 

ഈ വാര്‍ത്ത കൂടി വായിക്കാം 

റോഡ് അടച്ചിട്ട് എസിപിയുടെ പ്രഭാത സവാരി; കമ്മീഷണര്‍ ഇടപെട്ടു, നോട്ടീസ്

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ