കൊല്ലം: മേൽവിലാസം തിരക്കി വീട്ടിലെത്തിയ യുവാവ് 61വയസ്സുകാരിയുടെ മാലപൊട്ടിച്ച് കടന്നു. ഇന്നലെ വൈകിട്ട് ആറ് മണിയോടെയാണ് സംഭവം. കോമളം അരവിന്ദാരാമത്തിൽ ധർമലതയുടെ മാലയാണ് കവർന്നത്. മാല സ്വർണമല്ല മുക്കുപണ്ടമാണെന്ന് ധർമലത പറഞ്ഞു.
സ്‌കൂട്ടറിലെത്തിയ യുവാവ് അർജുനൻ എന്നയാളുടെ മേൽവിലാസം തിരക്കിയാണ് വീട്ടിലെത്തിയത്. തനിക്ക് അറിയില്ലെന്നും സമീപത്തെ കടയിൽ തിരക്കാനും ധർമലത പറഞ്ഞു. അപ്പോൾ വെള്ളം ആവശ്യപ്പെട്ടു. വെള്ളം എടുക്കാൻ അടുക്കളയിലേക്കുപോയ ധർമലതയുടെ പിന്നാലെ യുവാവ് എത്തുകയും മാലപൊട്ടിച്ച് ഓടുകയും ചെയ്തു. ഹെൽമെറ്റ് ധരിച്ചതുകൊണ്ട് ആളെ വ്യക്തമായി തിരിച്ചറിയാൻ കഴിഞ്ഞില്ല.
അഞ്ചൽ പൊലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ടസ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
