കളിക്കിടെ ഭക്ഷണം കഴിക്കാൻ വീട്ടിലേക്കു വന്ന ആറു വയസ്സുകാരിയെ ലൈം​ഗികമായി പീഡിപ്പിച്ചു; 77-കാരന്‍ പിടിയില്‍

രാത്രി ഉറങ്ങുമ്പോൾ കുട്ടി അസ്വസ്ഥതകള്‍ പ്രകടിപ്പിക്കുകയും പ്രതിയുടെ പേര് വിളിച്ച് കരയുകയും ചെയ്തതോടെയാണ് സംഭവം പുറത്തറിയുന്നത്
പ്രതീകാത്മക ചിത്രം
പ്രതീകാത്മക ചിത്രം

കൊല്ലം: ആറു വയസ്സുകാരിയെ ലൈം​ഗികമായി പീഡിപ്പിച്ച 77-കാരന്‍ പിടിയില്‍. നിലമേല്‍ കൈതോട് സ്വദേശി ഷംസുദ്ദീൻ ആണ് പിടിയിലായത്. കഴിഞ്ഞ ശനിയാഴ്ചയാണ് കേസിനാസ്പദമായ സംഭവം ഉണ്ടായത്.

സമീപത്തെ ഒരു പുരയിടത്തില്‍ മറ്റു കൂട്ടുകാരുമായി കളിക്കുന്നതിനിടെ ഭക്ഷണം കഴിക്കാന്‍ വീട്ടിലേക്കു വന്ന കുട്ടിയെ ഷംസുദ്ദീന്‍ അനുനയിപ്പിച്ച് സമീപത്തെ ഒരു റബ്ബന്‍ പുരയിടത്തിലേക്ക് കൊണ്ടുപോയി. അവിടെവെച്ച് കുട്ടിയെ ക്രൂരമായി ലൈംഗിക വൈകൃതത്തിന് ഇരയാക്കി. 

അതിനുശേഷം കുട്ടിയെ വീട്ടിലേക്ക് തിരിച്ചയച്ചു. ഈ സമയം കുട്ടിയുടെ മാതാപിതാക്കൾ വീട്ടിലുണ്ടായിരുന്നില്ല. രാത്രി ഉറങ്ങുമ്പോൾ കുട്ടി ശാരീരിക അസ്വസ്ഥതകള്‍ പ്രകടിപ്പിക്കുകയും പ്രതിയുടെ പേര് വിളിച്ച് കരയുകയും ചെയ്തതോടെയാണ് സംഭവം പുറത്തറിയുന്നത്.

മാതാപിതാക്കള്‍ നല്‍കിയ പരാതിയുടെ അടിസ്ഥാനത്തില്‍ ഷംസുദ്ദീനെ പൊലീസ് പിന്നീട് അറസ്റ്റു ചെയ്തു. ഇയാള്‍ കുറ്റം സമ്മതിച്ചിട്ടുണ്ട്. പ്രതിക്കെതിരേ ചടയമംഗലം പൊലീസ് പോക്‌സോ അടക്കമുള്ള വകുപ്പുകള്‍ ചുമത്തി. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com