കോട്ടയം: വെള്ളക്കെട്ടിലൂടെ ബസ് ഓടിച്ചതിന് സസ്‌പെന്‍ഷനിലായ കെഎസ്ആര്‍ടിസി ബസ് ഡ്രൈവര്‍ എസ് ജയദീപിന്റെ സസ്‌പെന്‍ഷന്‍ പിന്‍വലിച്ചു. ഏഴ് മാസങ്ങള്‍ക്ക് ശേഷമാണ് ജയദീപിനെ തിരിച്ചടുത്തിരിക്കുന്നത്. അച്ചടക്ക നടപടി നിലനിര്‍ത്തി, ഗുരുവായൂരിലേക്ക് സ്ഥലം മാറ്റി.
വലിയ വെള്ളക്കെട്ടിലൂടെ ബസ് ഓടിച്ച് യാത്രക്കാരുടെ ജീവന് ഭീഷണിയും ബസിന് നാശനഷ്ടവും വരുത്തിയെന്ന് കാണിച്ചാണ് ഗതാഗത വകുപ്പ് ജയദീപിന് എതിരെ നടപടി സ്വീകരിച്ചത്. ഇതിന് പിന്നാലെ ഗതാഗത മന്ത്രിയെ വിമര്‍ശിച്ച് ഇയാള്‍ ഫെയ്‌സ്ബുക്ക് പോസ്റ്റിലൂടെ രംഗത്തുവന്നത് വൈറല്‍ ആയിരുന്നു.
പൂഞ്ഞാര്‍ സെന്റ് മേരീസ് പള്ളിയുടെ മുന്നിലായിരുന്നു ഇയാള്‍ ബസ് വെള്ളക്കെട്ടിലൂടെ ഓടിച്ചത്. യാത്രക്കാരുടെ നിര്‍ദേശ പ്രകാരമായിരുന്നു വെള്ളക്കെട്ടിലൂടെ ഓടിച്ചത് എന്നായിരുന്നു ജയദീപിന്റെ വിശദീകരണം. ഈരാറ്റുപേട്ടയിലേക്ക് പോയ ബസ് വെള്ളക്കെട്ടില്‍ കുടുങ്ങിയതിനെ തുടര്‍ന്ന് നാട്ടുകാരാണ് യാത്രക്കാരെ പുറത്തെത്തിച്ചത്.
ഈ വാര്‍ത്ത കൂടി വായിക്കാം ജിപിഎസ് സര്‍വേയും അംഗീകരിക്കില്ല; കൗശലത്തില്‍ സ്ഥലം ഏറ്റെടുക്കാനുള്ള ശ്രം പരാജയപ്പെട്ടു; വിഡി സതീശന്‍
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
