'അന്ന് മേയര് സ്ഥലത്തില്ല, കത്ത് നല്കുന്ന പതിവുമില്ല'; വിശദീകരണവുമായി നഗരസഭ
തിരുവനന്തപുരം: തിരുവനന്തപുരം കോര്പറേഷനിലെ താല്കാലിക തസ്തികകളിലേക്കുള്ള നിയമനത്തിന് പട്ടിക ചോദിച്ച് മേയര് ആര്യാ രാജേന്ദ്രന് അയച്ചുവെന്ന് പറയുന്ന കത്ത് പുറത്തുവന്നതിന് പിന്നാലെ വിവാദത്തില് വിശദീകരണവുമായി തിരുവനന്തപുരം നഗരസഭ. ഇങ്ങനെയൊരു കത്ത് മേയര് എന്ന നിലയിലോ മേയറുടെ ഓഫീസില് നിന്നോ നല്കിയിട്ടില്ലെന്നും, ഇത്തരത്തില് കത്ത് നല്കുന്ന പതിവും നിലവിലില്ലെന്നും നഗരസഭ വ്യകതമാക്കി.
മേയര് സ്ഥലത്ത് ഇല്ലാതിരുന്ന ദിവസമാണ് കത്ത് കൈമാറിയതായി കാണുന്നത്. വിശദമായ വിവരങ്ങള് അന്വേഷണത്തിലൂടെ മാത്രമേ കണ്ടെത്താനാകൂ. ഔദ്യോഗികമായി അത് നടന്ന് വരുകയാണ്. ഇത്തരത്തില് നഗരസഭയേയും മേയറേയും ഇകഴ്ത്തി കാട്ടാന് ചിലര് നേരത്തേയും പല ശ്രമങ്ങളും നടത്തിയിരുന്നു. ആ ശ്രമമെല്ലാം പരാജയപെട്ടപ്പോഴാണ് ഇവര് പുതിയ തന്ത്രവുമായി രംഗത്ത് വരുന്നത്.
ഇത്തരം വ്യാജ പ്രചരണങ്ങള്ക്കെതിരെ നിയമനടപടിയുമായി മുന്നോട്ട് പോകാനാണ് നഗരസഭയും ഭരണ സമിതിയും ഉദ്ദേശിക്കുന്നത്. മാത്രവുമല്ല ഇങ്ങനൊരു ആക്ഷേപം ശ്രദ്ധയില് പെട്ടതിനെ തുടര്ന്ന് ഈ തസ്തികകളിലേക്കുള്ള നിയമനം റദ്ദാക്കാനും തുടര്ന്ന് എംപ്ലോയ്മെന്റ് വഴി നിയമനം നടത്താനും നഗരസഭ തീരുമാനിച്ചതായി വിശദീകരണക്കുറിപ്പില് അറിയിച്ചു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
