കടുകിന്റെ രൂപത്തിലാക്കി സ്വർണം, വില 12 ലക്ഷം; കൊച്ചി വിമാനത്താവളത്തിൽ സ്വർണം പിടികൂടി

ദുബായിൽ നിന്ന് എത്തിയ യാത്രക്കാരനാണ് 269 ​ഗ്രാം വരുന്ന സ്വർണം കടുകു മണികൾപോലെ ചെറിയ രൂപത്തിലാക്കി കൊണ്ടുവന്നത്
കടുക് രൂപത്തിലാക്കിയ സ്വർണം
കടുക് രൂപത്തിലാക്കിയ സ്വർണം

കൊച്ചി; കടുകിന്റെ രൂപത്തിലാക്കി കടത്താൻ ശ്രമിച്ച സ്വർണം പിടികൂടി. കൊച്ചി രാജ്യാന്തര വിമാനത്താവളത്തിലെ കസ്റ്റംസ് എയർ ഇന്റലിജൻസ് യൂണിറ്റാണ് യാത്രക്കാരനിൽ നിന്ന് കടുകു രൂപത്തിലുള്ള സ്വർണം പിടികൂടിയത്. ദുബായിൽ നിന്ന് എത്തിയ യാത്രക്കാരനാണ് 269 ​ഗ്രാം വരുന്ന സ്വർണം കടുകു മണികൾപോലെ ചെറിയ രൂപത്തിലാക്കി കൊണ്ടുവന്നത്. ഇതിന് 12 ലക്ഷം വിലവരും. 

ഇതു കൂടാതെ ലക്ഷങ്ങൾ വിലമതിക്കുന്ന ഇ-സി​ഗരറ്റുകളും ഐഫോണുകളും പിടിച്ചെടുത്തു. ദുബായിൽ നിന്ന് വന്ന മറ്റൊരു യാത്രക്കാരനിൽ നിന്ന് ലാപ്ടോപ്പിന്റെ വയറിനോട് ചേർ‍ത്ത് ഒളിപ്പിച്ച നിലയിൽ 24 ​ഗ്രാം സ്വർണമാണ് പിടികൂടിയത്. മറ്റൊരാളിൽ നിന്ന് 679 ഇ സി​ഗരറ്റുകളാണ് പിടിച്ചെടുത്തത്. ഇതിന് 6.75 ലക്ഷം രൂപയാണ് വിലവരുന്നത്. കൂടാതെ 4.25 ലക്ഷം രൂപ വിലവരുന്ന നാല് ഐഫോണുകളും മറ്റൊരാളിൽ നിന്ന് പിടിച്ചെടുത്തു. 

ഈ വാര്‍ത്ത കൂടി വായിക്കൂ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com