തിരുവനന്തപുരം: കെഎസ്ആര്ടിസിയിലെ സാമ്പത്തിക പ്രതിസന്ധി പരിഹരിക്കുന്നതുമായി ബന്ധപ്പെട്ട് മുഖ്യമന്ത്രി പിണറായി വിജയന് ഇന്ന് തൊഴിലാളി നേതാക്കളുമായും മാനേജ്മെന്റ് പ്രതിനിധികളുമായും ചര്ച്ച നടത്തും. കെഎസ്ആര്ടിസിയെ പുനരുദ്ധരിക്കാന് ഉപാധികളോടെ പന്ത്രണ്ട് മണിക്കൂര് സിംഗിള് ഡ്യൂട്ടിക്ക് തയ്യാറാവണമെന്ന് മുഖ്യമന്ത്രി യോഗത്തില് ആവശ്യപ്പെട്ടേക്കും.
എന്നാല് ഏട്ട് മണിക്കൂറില് കൂടുതല് ജോലി അടിച്ചേല്പ്പിക്കാനുള്ള നീക്കം അംഗീകരിക്കില്ലെന്നാണ് സി ഐ ടി യു ഒഴികെയുള്ള സംഘടനകളുടെ നിലപാട്. ശമ്പളത്തിന് പകരം കൂപ്പണ് നല്കാനുള്ള നീക്കത്തിലെ എതിര്പ്പും സംഘടനാ നേതാക്കള് മുഖ്യമന്ത്രിയെ അറിയിക്കും.
കെഎസ്ആര്ടിസിജീവനക്കാരുടെ ശമ്പള വിതരണം ഇന്ന് തുടങ്ങാനുള്ള ശ്രമത്തിലാണ് മാനേജ്മെന്റ്. രണ്ട് മാസത്തെ ശമ്പളത്തിന്റെ മൂന്നിലൊന്നാണ് ഓണത്തിന് മുമ്പായി നല്കുന്നത്. ഹൈക്കോടതി നിര്ദേശപ്രകാരം ജൂലൈ, ഓഗസ്റ്റ് മാസങ്ങളിലെ കുടിശ്ശികയായ ശമ്പളത്തിന്റെ മൂന്നിലൊന്നാണ് വിതരണം ചെയ്യുന്നത്. ശമ്പള വിതരണത്തിനായി 50 കോടി രൂപ കഴിഞ്ഞ ദിവസം സര്ക്കാര് കെ എസ് ആര് ടി സിക്ക് കൈമാറിയിരുന്നു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ