കൽപ്പറ്റ: വയനാട് മീൻ പിടിക്കുന്നതിനിടെ ഒഴുക്കിൽപ്പെട്ട യുവാവ് മുങ്ങി മരിച്ചു. പനമരം ദാസനക്കര കൂടൽക്കടവ് ചെക്ക് ഡാമിനു സമീപം മീൻ പിടിക്കുന്നതിനിടെയാണ് അപകടം. കരിമ്പുമ്മൽ ചുണ്ടക്കുന്ന് പൂക്കോട്ടിൽ പാത്തൂട്ടിയുടെ മകൻ നാസർ (36) ആണ് മരിച്ചത്.
നല്ല ഒഴുക്കുള്ള സ്ഥലത്തിനു സമീപത്ത് നിന്നാണ് നാസർ മീൻ പിടിക്കാൻ ശ്രമിച്ചത്. അതിനിടെ അബദ്ധത്തിൽ പുഴയിൽ വീണതാണെന്ന് സംശയിക്കുന്നു. മൃതദേഹം ലഭിക്കുമ്പോൾ കൈയിൽ വീശു വലയുടെ കയർ ചുറ്റി നിലയിലായിരുന്നു മൃതദേഹം. വലയുടെ കൈ കുടുങ്ങിയതു കൊണ്ടു യുവാവിനു നീന്താൻ സാധിച്ചിട്ടുണ്ടാകില്ലെന്നും നിഗമനമുണ്ട്.
മാനന്തവാടിയിൽ നിന്നെത്തിയ അഗ്നിരക്ഷാ സേനാംഗങ്ങൾ മൂന്ന് മണിക്കൂർ തെരച്ചിൽ നടത്തിയതിനു ശേഷമാണ് മൃതദേഹം കണ്ടെത്തിയത്. സ്കൂബാ ഡൈവിങിലൂടെയാണ് പുറത്തെടുത്തത്. പൊലീസ് നടപടികൾക്കു ശേഷം മൃതദേഹം മാനന്തവടി മെഡിക്കൽ കോളജ് ആശുപത്രിയിലേക്ക് മാറ്റി.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
