ട്രാക്ക് നവീകരണം; ഇന്നു മുതൽ ട്രെയിൻ ​ഗതാ​ഗതത്തിൽ മാറ്റം, ജനശതാബ്​ദി ഉൾപ്പടെയുള്ള ട്രെയിനുകൾ റദ്ദാക്കി

തിരുവനന്തപുരം: റെയിൽവേ പാളത്തിൽ അറ്റകുറ്റപ്പണികൾ നടക്കുന്നതിനാൽ ഇന്നു മുതൽ ട്രെയിൻ ​ഗതാ​ഗതത്തിൽ മാറ്റം. തൃപ്പൂണിത്തുറ-മുളന്തുരുത്തി, ഓച്ചിറ-കരുനാഗപ്പള്ളി സെക്ഷനുകളിൽ ട്രാക്ക്​ നവീകരണ ജോലികൾ നടക്കുന്നതിനാൽ ട്രെയിനുകൾ റദ്ദാക്കലടക്കമുള്ള ഗതാഗത നിയ​ന്ത്രണമേർപ്പെടുത്തിയതായി റെയിൽവേ അറിയിച്ചു.

ഇന്ന് സർവീസ് നടത്തുന്ന കൊച്ചുവേളി-ലോകമാന്യതിലക്​ സൂപ്പർഫാസ്റ്റ് (22114)​ കോട്ടയം-മുളന്തുരുത്തി സെക്ഷനിൽ ഒരു മണിക്കൂർ ​വൈകും. കൂടാതെ ഇന്ന് കൊല്ലത്തു നിന്ന് ആരംഭിക്കുന്ന കൊല്ലം-എറണാകുളം മെമു (06442) കായംകുളത്ത്​ യാ​ത്ര അവസാനിപ്പിക്കും. എറണാകുളത്തുനിന്ന്​ പുറപ്പെടുന്ന എറണാകുളം-കൊല്ലം മെമു കായംകുളത്ത്​ യാത്ര അവസാനിപ്പിക്കും. 

മാർച്ച്​ 26ലെ തിരുവനന്തപുരം-കണ്ണൂർ ജനശതാബ്​ദി (12082), എറണാകുളം-ഷൊർണൂർ മെമു (06018), എറണാകുളം-ഗുരുവായൂർ എക്സ്​പ്രസ് (06448)​ എന്നിവയും മാർച്ച്​ 27ലെ കണ്ണൂർ-തിരുവനന്തപുരം ജനശതാബ്​ദിയും (12081) റദ്ദാക്കി.

ഭാഗികമായി റദ്ദാക്കിയ ട്രെയിനുകൾ

• മാർച്ച് 12 മുതൽ 31 വരെ നിലമ്പൂർ-കോട്ടയം എക്സ്​പ്രസ്​ എറണാകുളം ടൗണിൽ യാത്ര അവസാനിപ്പിക്കും.
• കൊല്ലത്തുനിന്ന്​ മാർച്ച്​ ഒമ്പത്​, 13, 17, 19 തീയതികളിലെ കൊല്ലം-എറണാകുളം മെമു (06442) കായംകുളത്ത്​ യാ​ത്ര അവസാനിപ്പിക്കും.
• കണ്ണൂരിൽനിന്ന്​ മാർച്ച്​ 26ന്​ പുറപ്പെടുന്ന കണ്ണൂർ-എറണാകുളം എക്സ്​പ്രസ്​ (16306) തൃശൂരിൽ സർവിസ്​ നിർത്തും.
• മാർച്ച്​ 25ന്​ ചെന്നൈയിൽനിന്ന്​ തിരിക്കുന്ന ചെന്നൈ സെൻട്രൽ-തിരുവനന്തപുരം പ്രിതിദിന ട്രെയിൻ (12623) തൃശൂരിൽ യാത്ര അവസാനിപ്പിക്കും.
• മാർച്ച്​ 26ന്​ തിരുവനന്തപുരത്തുനിന്ന്​ പുറപ്പെടേണ്ട തിരുവനന്തപുരം-ചെന്നൈ സെൻട്രൽ മെയിൽ (12624) തൃശൂരിൽനിന്നാകും യാത്ര തുടങ്ങുക.
• ഇന്നു മുതൽ മാർച്ച് 31 വരെ തീയതികളിൽ എറണാകുളത്തുനിന്ന്​ പുറപ്പെടുന്ന എറണാകുളം-കൊല്ലം മെമു കായംകുളത്ത്​ യാത്ര അവസാനിപ്പിക്കും.

ഈ വാര്‍ത്ത കൂടി വായിക്കൂ 

വിദ്യാര്‍ഥികള്‍ക്ക് കുടിവെള്ളം ലഭ്യമാക്കും; എസ്എസ്എല്‍സി പരീക്ഷ ഇന്നുമുതല്‍, എഴുതുന്നത് 4,19,554 വിദ്യാര്‍ഥികള്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ