കൊച്ചി കോര്‍പ്പറേഷന്‍ സംഘര്‍ഷം; രണ്ട് യൂത്ത് കോണ്‍ഗ്രസ് നേതാക്കള്‍ കൂടി അറസ്റ്റില്‍, പിടികൂടിയത് മൂന്നാറില്‍ നിന്ന്
By സമകാലികമലയാളം ഡെസ്ക് | Published: 18th March 2023 09:07 PM |
Last Updated: 18th March 2023 09:07 PM | A+A A- |
ചിത്രം: എക്‌സ്പ്രസ്
കൊച്ചി: കോര്‍പ്പറേഷന്‍ സെക്രട്ടറിയെ മര്‍ദിച്ച കേസില്‍ രണ്ട് യൂത്ത് കോണ്‍ഗ്രസ് നേതാക്കള്‍ കൂടി അറസ്റ്റില്‍. സംസ്ഥാന സെക്രട്ടറി പി.വൈ ഷാജഹാന്‍, എറണാകുളം ബ്ലോക്ക് പ്രസിഡന്റ് സിജോ ജോസഫ് എന്നിവരെയാണ് സെന്‍ട്രല്‍ പൊലീസ് അറസ്റ്റ് ചെയ്തത്. കേസില്‍ നേരത്തെ സംഘടനാ ഭാരവാഹിയായ ജെറിന്‍ ജെസിനെ പൊലീസ് അറസ്റ്റ് ചെയ്തിരുന്നു. സംഭവ ശേഷം ഒളിവില്‍ പോയ ഇവരെ മൂന്നാറില്‍ നിന്നാണ് പിടികൂടിയത്.
ബ്രഹ്മപുരം വിഷയത്തില്‍ കൊച്ചി കോര്‍പ്പറേഷന്‍ ഉപരോധത്തിനിടെയാണ് വ്യാപക അക്രമമുണ്ടായത്. ഓഫീസിലെത്തിയ ജീവനക്കാരെ കോണ്‍ഗ്രസ് പ്രവര്‍ത്തകര്‍ ആക്രമിച്ചു. കോര്‍പറേഷന്‍ സെക്രട്ടറി ബാബു അബ്ദുല്‍ ഖാദറിനെയും ക്ലാര്‍ക്ക് വിജയകുമാറിനെയും വളഞ്ഞിട്ട് തല്ലി. രാവിലെ ഓഫീസിലെത്തിയ മറ്റൊരു ജീവനക്കാരനെ ഓടിച്ചിട്ട് ചവിട്ടുകയാണുണ്ടായത്. സമരം റിപ്പോര്‍ട്ട് ചെയ്യാനെത്തിയ മാധ്യമപ്രവര്‍ത്തകര്‍ക്കും മര്‍ദനമേറ്റു.
ഉദ്ഘാടന ചടങ്ങില്‍ സുധാകരന് സംസാരിക്കുമ്പോഴും കോണ്‍ഗ്രസ് പ്രവര്‍ത്തകര്‍ അതിക്രമം നടത്തുന്നുണ്ടായിരുന്നു. വൈകിട്ട് അഞ്ച് മണി വരെയായിരുന്നു ഉപരോധം.
ഈ വാര്‍ത്ത കൂടി വായിക്കൂ കെ സുധാകരന് ഫ്യൂഡല്‍ ചട്ടമ്പിയുടെ ഭാഷ: പ്രതിപക്ഷം കാണിക്കുന്നത് കോപ്രായം: എം വി ഗോവിന്ദന്‍
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
