വയനാട്ടില് രണ്ട് കടുവകള് ചത്ത നിലയില്; കണ്ടെത്തിയത് ഫോറസ്റ്റ് ഉദ്യോഗസ്ഥര്, വിദഗ്ധ പരിശോധന
കല്പറ്റ: വയനാട്ടില് കുറിച്യാട് കാടിനുള്ളില് രണ്ട് കടുവകളെ ചത്ത നിലയില് കണ്ടെത്തി. ഒരു ആണ്കടുവയും ഒരു പെണ്കടുവയുമാണ് ചത്തത്. കടുവകള് പരസ്പരം ഏറ്റുമുട്ടി ചത്തതെന്നാണ് സംശയം.
ഫോറസ്റ്റ് ഉദ്യോഗസ്ഥരാണ് പട്രോളിങ്ങിനിടെ കടുവകളുടെ ജഡം കണ്ടെത്തിയത്. ഇന്ന് വൈകിട്ടോടെയാണ് ജഡങ്ങള് കണ്ടെത്തിയത്. വിദഗ്ധ പരിശോധനക്ക് ശേഷമേ വിശദാംശങ്ങള് ലഭ്യമാവുകയുള്ളൂ.
മേപ്പാടി ഭാഗത്ത് മറ്റൊരു കടുവയെയും ചത്ത നിലയില് കണ്ടെത്തിയിരുന്നു. രാവിലെ മേപ്പാടി കൂട്ടമുണ്ട സബ് സ്റ്റേഷന് സമീപത്ത് ആണ് കടുവയെയാണ് ചത്തതായി കണ്ടെത്തിയത്. കോടത്തോട് പോഡാര് പ്ലാന്റേഷന്റെ കാപ്പിത്തോട്ടത്തില് തൊഴിലാളികളാണ് ജഡം കണ്ടത്. വനം വകുപ്പ് പ്രാഥമിക പരിശോധന പൂര്ത്തിയാക്കി. ജഡത്തിന് ഒരാഴ്ചത്തെ പഴക്കമുണ്ട്.
സമീപ പ്രദേശത്ത് നിരവധി വളര്ത്തുമൃഗങ്ങളെ കടുവ പിടികൂടിയിരുന്നു. കഴിഞ്ഞയാഴ്ച വയനാട്ടില് കടുവ ആക്രമണത്തില് വീട്ടമ്മ കൊല്ലപ്പെട്ടതോടെ ഭീതിയിലാണ് നാട്ടുകാര്പത്തനംതിട്ടയിൽ വിവാഹസംഘത്തിന് മർദനം; എസ്ഐയും മൂന്ന് പൊലീസുകാരെയും സസ്പെൻഡ് ചെയ്തു
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
