അരൂരില് വീട്ടിലെ ഊഞ്ഞാലില് കുരുങ്ങി പത്തുവയസുകാരന് മരിച്ചനിലയില്; അന്വേഷണം
ആലപ്പുഴ: അരൂരില് വീട്ടിലെ ഊഞ്ഞാലില് കുരുങ്ങി പത്തുവയസുകാരന് മരിച്ചനിലയില്. കേളാത്തുകുന്നേല് അഭിലാഷിന്റെ മകന് കശ്യപാണ് മരിച്ചത്. വീടിന്റെ മുകളിലത്തെ നിലയിലാണ് മൃതദേഹം കണ്ടെത്തിയത്.
ഇന്ന് രാവിലെയാണ് കുട്ടിയെ മരിച്ചനിലയില് കണ്ടെത്തിയത്. വീടിന്റെ രണ്ടാമത്തെ നിലയില് കെട്ടിയിരുന്ന ഊഞ്ഞാലില് കുരുങ്ങി കുട്ടി മരിച്ചു എന്നാണ് വീട്ടുകാര് പറയുന്നത്. വീടിന്റെ ടെറസിലെ ഇരുമ്പുബാറില് കെട്ടിയ ഷാളില് കുടുങ്ങിയാണ് അപകടം ഉണ്ടായതെന്ന് പൊലീസ് പറയുന്നു. അസ്വാഭാവിക മരണത്തിന് പൊലീസ് കേസെടുത്ത് അന്വേഷണം ആരംഭിച്ചു.
കുമ്പളം സ്വദേശികളായ അഭിലാഷിന്റെയും ധന്യയുടെയും മകനാണ് കശ്യപ്. അരൂരില് കുടുംബം വാടകയ്ക്ക് താമസിക്കുകയാണ്. ഇന്നലെ സ്കൂള് വിട്ട് വന്ന കുട്ടി മുകളിലത്തെ നിലയിലേക്ക് പോയി. അവിടെ വച്ചാണ് അപകടം ഉണ്ടായത് എന്നാണ് വീട്ടുകാര് പറയുന്നത്. പോസ്റ്റമോര്ട്ടം നടപടികള് പൂര്ത്തിയായാല് മാത്രമേ മരണ കാരണം വ്യക്തമാകുകയുള്ളൂ എന്ന് പൊലീസ് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
