ഹൈവേക്ക് സമീപത്തുള്ള ശൗചാലയത്തിൽ സിംഹം! ഞെട്ടി വിറച്ച് യാത്രക്കാർ (വീഡിയോ)

യാത്രകൾ പോകുമ്പോൾ പൊതു ശൗചാലയങ്ങളാണ് ആളുകൾക്ക് ആശ്രയം. ഇത്തരം പൊതു ശൗചാലയങ്ങളിൽ ഒരു സിംഹം ഇരിക്കുന്നുണ്ടെങ്കിലോ! അത്തരമൊരു വീഡിയോ ഇപ്പോൾ വൈറലായി മാറിയിരിക്കുകയാണ്.

ഹൈവേയ്ക്ക് സമീപമുള്ള ഒരു ശൗചാലയത്തിൽ നിന്നുള്ള ദൃശ്യമാണ് ഇപ്പോൾ സാമൂഹിക മാധ്യമങ്ങളിൽ നിറയുന്നത്. ശൗചാലയത്തിൽ നിന്നു പുറത്തേക്കിറങ്ങി വരുന്ന സിംഹത്തിന്റെ ദൃശ്യമാണ് വീഡിയോയിൽ. യാത്രക്കാർ നോക്കി നിൽക്കെ പുറത്തേക്കിറങ്ങിയ സിംഹം മെല്ലെ നടന്ന് പുൽമേടുകൾക്കിടയിൽ മറയുന്നതും വീഡിയോയിൽ ഉണ്ട്. 

സംഭവം നടന്നത് എവിടെയാണെന്ന് വ്യക്തമല്ല. വന്യജീവി സങ്കേതത്തിൽ നിന്നുള്ള ദൃശ്യമാണിതെന്നാണ് നിഗമനം. ഇവിടെ സന്ദർശിക്കാനെത്തിയ യാത്രക്കാരാണ് വാഹനത്തിലിരുന്ന് ഈ ദൃശ്യം പകർത്തിയത്. 

പൊതു ശുചിമുറികൾ എപ്പോഴും സുരക്ഷിതമായിരിക്കണമെന്നില്ല. പ്രത്യേകിച്ചും വന്യമൃഗ സങ്കേതങ്ങളോട് ചേർന്നുള്ളവ. ഇത്തരം സ്ഥലങ്ങൾ ഉപയോഗിക്കുമ്പോൾ ശ്രദ്ധിക്കണമെന്ന മുന്നറിയിപ്പാണ് പലരും കമന്റുകളായി ദൃശ്യത്തിനു താഴെ പങ്കിടുന്നത്.