ആളെ മാറ്റിക്കളയും മേക്കപ്പ്; യുവതിയുടെ രൂപമാറ്റ വീഡിയോ വൈറൽ

ഒരാളുടെ സ്വാഭാവിക രൂപത്തെ വി​ദ​ഗ്ധമായി മാറ്റാൻ മേക്കപ്പിന് സാധിക്കും. എന്നാൽ ആ മാറ്റം ഒരു പരിധിവരെയെ ഉണ്ടാകാറുള്ളു സാധാരണ.  ഇപ്പോൾ ഒരു വീഡിയോ പക്ഷേ നിങ്ങളുടെ ആ ചിന്തകളെ പൊളിച്ചെഴുതും. മേക്കപ്പിനു ശേഷം പഴയ ആളുമായി യാതൊരു വിധത്തിലും സാദ‍ൃശ്യമില്ലാതായി മാറിയ യുവതിയുടെ വീഡിയോ സോഷ്യൽ മീഡിയയിൽ വൈറലാണ്. ചർമ്മത്തിന്റെ നിറം, മൂക്ക്, ചുണ്ട് എന്നിവയുടെ ആകൃതി, കണ്ണുകളുടെ വലുപ്പം തുടങ്ങിയവയെല്ലാം മേക്കപ്പിനു ശേഷം മാറി. വിഡിയോ വ്യാപകമായി പ്രചരിച്ചു കഴിഞ്ഞു. അതേസമയം തന്നെ ഇത് യഥാർഥത്തിലുള്ളതാണെന്ന കാര്യത്തിൽ കാഴ്ചക്കാരില്‍ തർക്കങ്ങൾ നിലനിൽക്കുന്നുമുണ്ട്. (വീഡിയോ കാണാം)