ഡ്രൈവിങ് പഠിക്കാതെ കാര്‍ വാങ്ങാനെത്തി; ഷോറൂം തകര്‍ത്ത് യുവതി കാറുമായി പാഞ്ഞു; വീഡിയോ വൈറല്‍
മാണ്ഡി; ശരിക്ക് ഡ്രൈവിങ് പഠിക്കാതെ കാര്‍ വാങ്ങാന്‍ എത്തിയാല്‍ ഇതാവും അവസ്ഥ. ഈ വീഡിയോ കണ്ടാല്‍ ആരായാലും ഇങ്ങനെ പറഞ്ഞുപോകും. കാര്‍ വാങ്ങാന്‍ എത്തിയ യുവതി ഷോറൂം തകര്‍ത്ത് കാറുമായി പായുന്നതിന്റെ വീഡിയോ ആണ് സോഷ്യല്‍ മീഡിയയില്‍ വൈറലാകുന്നത്. ഹിമാചല്‍ പ്രദേശിലെ മാണ്ഡിയിലാണ് ഹ്യൂണ്ടായി ഷോറൂമിലാണ് സംഭവമുണ്ടായത്.
കാര്‍ വാങ്ങാന്‍ എത്തിയ യുവതി എലൈറ്റ് ഐ 20 കാരില്‍ കയറിയതോടെയാണ് സംഭവത്തിന് തുടക്കമായത്. സെയില്‍ എക്‌സിക്യൂട്ടീവും മറ്റും ആ സമയം അവര്‍ക്കൊപ്പമുണ്ട്. അവരോടെല്ലാം വാഹനത്തെക്കുറിച്ച് ചോദിച്ചറിഞ്ഞ ശേഷമാണ് വാഹനത്തില്‍ കയറിയത്. എന്നാല്‍ വാഹനത്തില്‍ കയറിയതോടെ യുവതിയുടെ നിയന്ത്രണം നഷ്ടപ്പെടുകയും വണ്ടി മുന്നോട്ടു കുതിക്കുകയുമായിരുന്നു.
ഷോറൂമിന്റെ ചില്ലുകള്‍ തകര്‍ത്താണ് വാഹനം പുറത്തേക്ക് പാഞ്ഞത്. ഷോറൂമിന്റെ മുന്നില്‍ നിര്‍ത്തിയിട്ടിരുന്ന കാറുകള്‍ ഇടിച്ച് തെറുപ്പിച്ച് വണ്ടി മുന്നോട്ടു പോകുന്നതാണ് വീഡിയോയില്‍ ഉള്ളത്. കാര്‍ പാഞ്ഞു വരുന്നതുകണ്ട് ആളുകള്‍ ഓടിമാറുന്നതും വീഡിയോയില്‍ കാണാം. ഇവര്‍ക്ക് അബദ്ധം പറ്റിയതാണെന്നാണ് പുറത്തുവരുന്ന റിപ്പോര്‍ട്ടുകള്‍. ഷോറൂമിന്റെ സിസിടിവി ക്യാമറയില്‍ പതിഞ്ഞ ദൃശ്യങ്ങളാണ് പ്രചരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
