റോഡില്‍ വാഹനവുമെടുത്ത് ഇറങ്ങുന്നവരെല്ലാം മുന്നില്‍ക്കാണുന്ന പ്രശ്‌നമാണ് റോഡപകടം. അത് എപ്പോള്‍ എങ്ങനെ സംഭവിക്കുമെന്ന് പറയാന്‍ കഴിയില്ല. മാത്രമല്ല, റോഡില്‍ ഒരൊറ്റ ഒരാളുടെ അശ്രദ്ധ മതി നിയമം പാലിച്ച് ശ്രദ്ധയോടെ വണ്ടിയോടിക്കുന്നവരെ കൂടി അപകടത്തിലേക്ക് തള്ളി വിടാന്‍. എന്നാല്‍ വലിയ അപകടത്തില്‍ നിന്നെല്ലാം കേവലം മനസാനിന്ധ്യം കൊണ്ടു മാത്രം തലനാരിഴയ്ക്ക് രക്ഷപ്പെടുന്നവരുമുണ്ട്.
അങ്ങനെയൊരു അപകടത്തില്‍ നിന്ന് രക്ഷപ്പെടുന്ന യാത്രക്കാരന്റെ വീഡിയോ ആണ് ഇപ്പോള്‍ സമൂഹമാധ്യമങ്ങളില്‍ വൈറല്‍. ഓവര്‍ സ്പീഡില്‍ പാഞ്ഞടുത്ത കാറിന് മുന്നില്‍ നിന്ന് അതിശയകരമായ രക്ഷപ്പെടലായിരുന്നു ബൈക്ക്കാരന്റേത്. കാറിന് മുന്നില്‍ നിന്നും യഥാസമയത്ത് മാറിയില്ലായിരുന്നെങ്കില്‍ അയാളുടെ പൊടിപോലും കിട്ടില്ലായിരുന്നു.
അപകടത്തില്‍പ്പെട്ട കാര്‍ അവസാനം തൊട്ടടുത്ത പോസ്റ്റില്‍ ഇടിച്ചാണ് നിന്നത്. കാറിന്റെ മുന്‍വശം മുഴുവനായും തകര്‍ന്നിരുന്നു. ഭാഗ്യത്തിന് കാര്‍ ഡ്രൈവര്‍ക്കും കാര്യമായ അപകടമൊന്നും പറ്റിയില്ല. ചൈനയില്‍ സംഭവിച്ച ഈ അപകടത്തിന്റെ വീഡിയോ ഇപ്പോള്‍ സമൂഹമാധ്യമങ്ങളിലൂടെ വൈറലാവുകയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
