പാലക്കാട് വീണ്ടും വൻ വാഹനമോഷണം; എസ്‌പി ഓഫീസിന് തൊട്ടടുത്തുനിന്ന് ഗുഡ്‌സ് വാഹനം കവർന്നു

കെഎസ്ആർടിസി ബസ് കടത്തിയതിന് പിന്നാലെ നഗര മധ്യത്തിൽ വീണ്ടും കവർച്ച
KSRTC bus stolen
KSRTC bus stolen
Edited By:
Updated on
1 min read

പാലക്കാട്: പാലക്കാട് കെഎസ്ആർടിസി ഡിപ്പോ പരിസരത്തുനിന്നും ഓർഡിനറി ബസ് കളവുപോയ സംഭവത്തിന്റെ ചൂടാറും മുൻപ് നഗരത്തെ ഞെട്ടിച്ച് വീണ്ടും വൻ വാഹനമോഷണം. ഇത്തവണ നഗരത്തിലെ ഏറ്റവും സുരക്ഷിത മേഖലകളിലൊന്നായി കരുതപ്പെടുന്ന ജില്ലാ പൊലീസ് മേധാവിയുടെ (SP) ഓഫീസിന് വെറും അൻപത് മീറ്റർ മാത്രം അകലെയുള്ള സ്ഥലത്തുനിന്നാണ് ഗുഡ്‌സ് ഓട്ടോറിക്ഷ മോഷണം പോയത്. യാക്കര സ്വദേശിയും നഗരത്തിലെ ഇളനീർ വ്യാപാരിയുമായ കൃഷ്ണൻകുട്ടിയുടെ ഉടമസ്ഥതയിലുള്ള വാഹനമാണ് ഞായറാഴ്ച രാത്രി എട്ട് മണിക്ക് ശേഷം അജ്ഞാതൻ കവർന്നത്. കെ.എസ്.ആർ.ടി.സി ബസ് സ്റ്റാൻഡിനും യാക്കരയ്ക്കുമിടയിലുള്ള പ്രധാന റോഡരികിൽ പാർക്ക് ചെയ്തിരുന്ന ലെയ്‌ലാൻഡ് ദോസ്ത് വാഹനമാണ് (KL 09 AW 4246) നഷ്ടപ്പെട്ടത്. ഏകദേശം ഏഴ് ലക്ഷം രൂപയോളം വിപണി വിലമതിക്കുന്ന വാഹനമാണിതെന്ന് ഉടമസ്ഥൻ പൊലീസിനോട് പറഞ്ഞു.

KSRTC bus stolen
ക്ലാസ് മുറികളിൽ നിന്ന് അടുക്കളകളിലേക്ക്; വിദ്യാർത്ഥികൾ ഇനി സ്വന്തം വീടുകളുടെ 'ക്ലൈമറ്റ് ഓഡിറ്റർമാർ'

തുടർച്ചയായ വാഹനമോഷണങ്ങൾ റിപ്പോർട്ട് ചെയ്യപ്പെട്ടതിനെത്തുടർന്ന് പാലക്കാട് ടൗൺ സൗത്ത് പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു. പൊലീസിന്റെ പ്രാഥമിക അന്വേഷണത്തിൽ, മോഷ്ടിക്കപ്പെട്ട വാഹനം ദേശീയപാതയിലെ വാളയാർ ടോൾ പ്ലാസ വഴി തമിഴ്‌നാട് അതിർത്തി ഭാഗത്തേക്ക് കടന്നതായി കൃത്യമായ വിവരം ലഭിച്ചിട്ടുണ്ട്. വാളയാർ ടോൾ പ്ലാസയിലെ സി.സി.ടി.വി ദൃശ്യങ്ങളിൽ ഈ വാഹനം അതിർത്തി കടന്നുപോകുന്ന ദൃശ്യങ്ങൾ പതിഞ്ഞതായി അന്വേഷണ ഉദ്യോഗസ്ഥർ സ്ഥിരീകരിച്ചു. ഇതിന്റെ അടിസ്ഥാനത്തിൽ പോലീസ് തങ്ങളുടെ അന്വേഷണം അയൽസംസ്ഥാനമായ തമിഴ്‌നാട്ടിലെ വിവിധ മേഖലകളിലേക്ക് വ്യാപിപ്പിച്ചിരിക്കുകയാണ്. മോഷ്ടിക്കപ്പെട്ട വാഹനത്തിൽ കൃത്യമായി ജി.പി.എസ് (GPS) ട്രാക്കർ ഘടിപ്പിച്ചിട്ടുള്ളതിനാൽ സാങ്കേതിക വിദ്യയുടെ സഹായത്തോടെ എത്രയും പെട്ടെന്നുതന്നെ വാഹനം ട്രാക്ക് ചെയ്ത് കണ്ടെത്താൻ സാധിക്കുമെന്ന പ്രതീക്ഷയിലാണ് പൊലീസ് അധികൃതർ.

KSRTC bus stolen
കോക്രോച്ച് ജനതാ പാർട്ടി സമരത്തിന് പാലക്കാട്ടിന്റെ ഐക്യദാർഢ്യം; കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ രാജിവയ്ക്കണമെന്ന് ആവശ്യം

കഴിഞ്ഞദിവസം പുലർച്ചെ കെഎസ്ആർടിസി ബസ് മോഷണം പോയതും പിന്നീട് ജീവനക്കാരുടെ പിന്തുടരലിനെ തുടർന്ന് മോഷ്ടാവ് നഗരത്തിൽ ഉപേക്ഷിച്ചു കടന്നുകളഞ്ഞതുമായ സംഭവത്തെക്കുറിച്ചുള്ള ചർച്ചകൾ സജീവമായി നിലനിൽക്കുന്നതിനിടയിലാണ് പൊലീസിനെ വെല്ലുവിളിച്ചുകൊണ്ട് മണിക്കൂറുകൾക്കകം മറ്റൊരു കവർച്ച കൂടി നടക്കുന്നത്. അതും ജില്ലാ പൊലീസ് മേധാവിയുടെ ഓഫീസിൽ നിന്ന് ഏതാനും ചുവടുകൾ മാത്രം അകലെയുള്ള സുരക്ഷിത സ്ഥാനത്തുനിന്നായതിനാൽ നഗരത്തിലെ പൊതു സുരക്ഷാ സംവിധാനങ്ങളെക്കുറിച്ചുള്ള ആശങ്കകൾക്കും ചർച്ചകൾക്കും ഈ സംഭവം വീണ്ടും വഴിതുറന്നിരിക്കുകയാണ്.

Summary

Hours after the sensational KSRTC bus theft in Palakkad, another major vehicle robbery has shocked the town, occurring just 50 meters away from the District Police Chief's (SP) office

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

X
.story-element-title{ color: var(--arrow-c-light); }
logo
Samakalika Malayalam - The New Indian Express
www.samakalikamalayalam.com