ക്രിക്കറ്റ് കളിക്കുന്നതിനിടെ കുഴഞ്ഞുവീണു, നടൻ ദീപേഷ് ഭാൻ  അന്തരിച്ചു

ഹിന്ദി സീരിയൽ താരം ദീപേഷ് ഭാൻ  അന്തരിച്ചു. 41 വയസായിരുന്നു. ശനിയാഴ്ച രാവിലെയായിരുന്നു മരണം.  ദഹിസറിലെ വീട്ടില്‍ രാവിലെ ക്രിക്കറ്റ് കളിക്കുന്നതിനിടെ കുഴഞ്ഞുവീഴുകയായിരുന്നു. ഉടൻ തന്നെ ആശുപത്രിയിലെത്തിച്ചെങ്കിലും രക്ഷിക്കാനായില്ല. 

 ‘ഭാബിജി ഘർ പർ ഹേ’ എന്ന സീരിയലിലെ ‘മൽഖാൻ’ എന്ന കഥാപാത്രത്തിലൂടെയാണ് ദീപേഷ് ശ്രദ്ധ നേടുന്നത്. നടന്റെ അപ്രതീക്ഷിത വിയോ​ഗം ടെലിവിഷൻ രം​ഗത്തുള്ളവരേയും ആരാധകരേയും ഒരുപോലെ ഞെട്ടിച്ചിരിക്കുകയാണ്. നിരവധി പേരാണ് താരത്തിന് അന്ത്യാഞ്ജലി അർപ്പിച്ചത്. 

ഭാര്യയും എട്ട് മാസം പ്രായമുള്ള കുഞ്ഞുമുണ്ട്. കഴിഞ്ഞ വർഷം ദീപേഷിന്റെ അമ്മ മരിച്ചിരുന്നു. അമ്മയുടെ വിയോ​ഗത്തിൽ വേദനരേഖപ്പെടുത്തിക്കൊണ്ട് അന്ന ദീപേഷ് ഒരു കുറിപ്പ് പങ്കുവച്ചിരുന്നു. 

‘താരക് മേത്ത കാ ഊൽത്താ ചാഷ്മ’, മെയ് ഐ കം ഇൻ മാഡം’ തുടങ്ങിയ സീരിയലുകളിൽ അഭിനയിച്ചിട്ടുണ്ട്. ‘കോമഡി കാ കിങ് കൗൺ’, ‘കോമഡി ക്ലബ്’, ‘ഭൂത്‌വാല’, ‘എഫ്‌ഐആർ’, ‘ചാമ്പ്’, ‘സൺ യാർ ചിൽ മാർ’ എന്നീ ടിവി ഷോകളുടെ ഭാഗമായിരുന്നു.

ഈ വാര്‍ത്ത കൂടി വായിക്കാം 

'ഒരുമാസം കൊടുത്താല്‍ പോലും നഞ്ചമ്മയ്ക്ക് പാടാനാവില്ല, സംഗീതത്തെ ജീവിതമായി കാണുന്നവര്‍ക്ക് ഇത് അപമാനം'; വിമര്‍ശനം

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ