'2022 ൽ വീട്ടിലേക്ക് വന്ന ആദ്യത്തെ അതിഥി, കുടുംബത്തെ മുഴുവനും ഇഷ്ടമായി'; കോവിഡ് ബാധിച്ചെന്ന് മീന

തെന്നിന്ത്യൻ നടി മീനയ്ക്കും കുടുംബത്തിനും കോവിഡ്. രസകരമായ കുറിപ്പിലൂടെ താരം തന്നെയാണ് കോവിഡ് സ്ഥിരീകരിച്ച വിവരം ആരാധകരുമായി പങ്കുവച്ചത്. പുതുവർഷത്തിൽ തന്റെ വീട്ടിലേക്കു വന്ന ആദ്യത്തെ അതിഥി കൊറോണയാണ് എന്നാണ് താരം പറയുന്നത്. 

മീനയുടെ കുറിപ്പ്

‘2022 ൽ എന്റെ വീട്ടിൽ വന്ന ആദ്യ അതിഥി. മിസ്റ്റർ കൊറോണ. അദ്ദേഹത്തിന് എന്റെ മുഴുവൻ കുടുംബത്തെയും വല്ലാതങ്ങ് ഇഷ്ടമായി. എന്നാൽ അധികകാലം അതിനെ വീട്ടിലിരുത്താൻ ഞാൻ ഉദ്ദേശിക്കുന്നില്ല. നിങ്ങളും ജാഗരൂകരാകുവിൻ. ആരോഗ്യത്തോടെ ഇരിക്കൂ. രോഗം പടർത്താതിരിക്കാനും ശ്രദ്ധിക്കൂ.’- എന്നാണ് മീന കുറിച്ചത്. തന്റെ ചിത്രത്തിനൊപ്പമാണ് താരം കുറിച്ചത്. 

മോഹൻലാലിനൊപ്പം ബ്രോ ഡാഡിയിൽ

കഴിഞ്ഞ ദിവസം മീനയുടെ മകൾ നൈനികയുടെ പിറന്നാളായിരുന്നു. മകൾക്കായി വമ്പൻ സർപ്രൈസ് ആണ് താരം ഒരുക്കിയത്. മാസ്ക് ധരിച്ച് ബർത്ത്ഡ് ആഘോഷിക്കുന്ന നൈനികയുടെ വിഡിയോ താരം പങ്കുവച്ചിരുന്നു. , മീന പ്രധാനവേഷത്തിലെത്തുന്ന മോഹൻലാൽ ചിത്രം ‘ബ്രോ ഡാഡി’ റിലീസിനൊരുങ്ങുകയാണ്. ദൃശ്യം 2വിനു ശേഷം മോഹൻലാലും മീനയും ഒന്നിക്കുന്ന ചിത്രം കൂടിയാണിത്. പൃഥ്വിരാജാണ് ചിത്രം സംവിധാനം ചെയ്യുന്നത്.