'വാടീ മേലെ'; പിറന്നാൾ സർപ്രൈസ് ഒരുക്കി സ്നേഹ, തുള്ളിച്ചാടി സഹോദരി; വിഡിയോ

തെന്നിന്ത്യയിലെ ഇഷ്ട നായികയാണ് സ്നേഹ. നടൻ പ്രസന്നയുമായുള്ള വിവാഹത്തിന് ശേഷം അഭിനയത്തിൽ സജീവമല്ലെങ്കിലും താരം ഇപ്പോഴും ആരാധകർക്ക് പ്രിയങ്കരിയാണ്. ഇപ്പോൾ തന്റെ സഹോദരിയെ ​ഗംഭീര സർപ്രൈസ് നൽകി ഞെട്ടിച്ചിരിക്കുകയാണ് താരം. 

വീടിന്റെ റൂഫ് ടോപ്പിലാണ് സ്നേഹ സർപ്രൈസ് പാർട്ടി ഒരുക്കിയത്. ലൈറ്റുകൾ കൊണ്ട് അലങ്കരിക്കുകയും ലൈവ് മ്യൂസിക് ഒരുക്കുകയും ചെയ്തിരുന്നു. സ്നേഹയുടെ സർപ്രൈസിൽ സന്തോഷിച്ച് തുള്ളിച്ചാടുന്ന സഹോദരി സംഗീതയേയും വിഡിയോയിൽ കാണാം. സ്നേഹയുടെ കുടുംബത്തിനൊപ്പം സുഹൃത്തുക്കളും ആഘോഷത്തിൽ പങ്കെടുക്കാനെത്തിയിരുന്നു. സ്നേഹ തന്നെയാണ് ഇൻസ്റ്റ​ഗ്രാമിലൂടെ വിഡിയോ പങ്കുവച്ചത്. 

പട്ടാസ് സിനിമയായിരുന്നു സ്നേഹയുടേതായി അവസാനം പുറത്തിറങ്ങിയത്. കഴിഞ്ഞ വർഷം പൊങ്കലിനായിരുന്നു ചിത്രം റിലീസ് ചെയ്തത്. ആർ.എ. ഋത്വിക് സംവിധാനം ചെയ്യുന്ന വാൻ സിനിമയാണ് സ്നേഹയുടേതായി ഇനി പുറത്തിറങ്ങാനുള്ളത്. ദുൽഖർ സൽമാൻ, കല്യാണി പ്രിയദർശൻ, പ്രിയ ഭവാനി ശങ്കർ തുടങ്ങിയവരാണ് ചിത്രത്തിൽ മറ്റു മുഖ്യ വേഷത്തിലെത്തുന്നത്.