'കൊറോണ ആയതുകൊണ്ട് ക്രിസ്മസ് അപ്പൂപ്പൻ കൊച്ചുമോളെ അയച്ചു!', അമേയയുടെ ഫോട്ടോഷൂട്ട് കണ്ട് ആരാധകർ

വ്യത്യസ്തമായ ഫോട്ടോഷൂട്ടുകളിലൂടെ ആരാധകരുടെ കയ്യടി നേടാറുള്ള താരമാണ് അമേയ. ഇപ്പോൾ സൈബർ ലോകം കീഴടക്കുന്നത് അമേയയുടെ സാന്ത ​ഗേൾ ലുക്കാണ്. ആരാധകർക്ക് ക്രിസ്മസ് ആശംസകൾ നേർന്നുകൊണ്ടാണ് അമേയ തന്റെ ക്രിസ്മസ് ഫോട്ടോഷൂട്ട് പങ്കുവെച്ചത്. 

സാന്ത ക്ലോസിന്റേതു പോലെയുള്ള ചുവപ്പ്, വെള്ള കോമ്പിനേഷനിലെെ സ്റ്റൈലൻ ഡ്രസിലാണ് താരം എത്തുന്നത്. ഓഫ് ഷോൾഡറോടു കൂടിയ ഫുൾ സ്ലീവ് ഷോട്ട് ഫ്രോക്കാണ് അമേയ ധരിച്ചിരിക്കുന്നത്. അതിനൊപ്പം ക്രിസ്മസ് തൊപ്പിയും അണിഞ്ഞിട്ടുണ്ട്. വർക്കല ബീച്ചിൽ നിന്നാണ് ചിത്രങ്ങൾ പകർത്തിയിരിക്കുന്നത്. വിഷ്ണു സന്തോഷിന്റേതാണ് ചിത്രങ്ങൾ. 

എന്തായാലും ആരാധകരുടെ മനസു കീഴടക്കുകയാണ് അമേയയുടെ ചിത്രങ്ങൾ. സാന്ത ​ഗേൾ എന്നാണ് ആരാധകർ താരത്തെ വിളിക്കുന്നത്. അതിനൊപ്പം രസകരമായ കമന്റുകളുമായും ചില വിരുതന്മാർ എത്തി. കൊറോണ ആയതുകൊണ്ടാണോ ക്രിസ്മസ് അപ്പൂപ്പൻ കൊച്ചുമോളെ അയച്ചത് എന്നായിരുന്നു ചിലരുടെ സംശയം.