ബോളിവുഡിലെ ഇഷ്ട നായികയാണ് കത്രീന കൈഫ്. രണ്ട് പതിറ്റാണ്ടായി താരം സിനിമയിലേക്ക് എത്തിയിട്ട്. ഇപ്പോള്‍ കഴിഞ്ഞ 20 വര്‍ഷമായി തനിക്കൊപ്പമുള്ള പേഴ്‌സണല്‍ അസിസ്റ്റന്റ് അശോക് ശര്‍മയെക്കുറിച്ച് താരം പങ്കുവച്ച കുറിപ്പാണ് ശ്രദ്ധനേടുന്നത്.
കഴിഞ്ഞ 20 വര്‍ഷത്തില്‍ തനിക്കൊപ്പം ഏറ്റവും കൂടുതല്‍ സമയം ചെലവഴിച്ച വ്യക്തിയാണ് അശോക് ശര്‍മ എന്നാണ് താരം കുറിച്ചത്. അദ്ദേഹത്തിനൊപ്പമുള്ള ചിത്രത്തിനൊപ്പമാണ് കുറിപ്പ്
കത്രീനയുടെ കുറിപ്പ് വായിക്കാം
20 വര്‍ഷം പൂര്‍ത്തിയായിരിക്കുന്നു. കഴിഞ്ഞ 20 വര്‍ഷത്തില്‍ എനിക്കൊപ്പം ഏറ്റവും കൂടുതല്‍ സമയം ചെലവഴിച്ച വ്യക്തിയാണ് അശോക് ശര്‍മ. ചിരികള്‍ മുതല്‍ ആത്മവിശ്വാസം തരുന്ന വര്‍ത്തമാനങ്ങള്‍ വരെ. ഞാന്‍ ചോദിക്കുന്ന ഡ്രിങ്ക് കുടിക്കാതിരിക്കുന്നതിനും എനിക്ക് ആവശ്യമുള്ളതിലേക്ക് മനസുമാറ്റുന്നതിനും എന്നോട് വഴക്കിടുന്ന വ്യക്തി. സെറ്റില്‍ ആരെങ്കിലും എന്നോട് മോശമായി പെരുമാറിയാല്‍ അദ്ദേഹം കണ്ണീര്‍ പൊഴിക്കുമായിരുന്നു. നമ്മള്‍ ഇതിലൂടെയെല്ലാം കടന്നുപോയി. എന്നും നിങ്ങളുടെ സൗഹാര്‍ദപൂര്‍വമായ മുഖം ഉണ്ടാകും. എനിക്ക് എന്താണ് വേണ്ടതെന്ന് എനിക്ക് മുന്‍പ് മനസിലാക്കും. എന്നെ എപ്പോഴും ശ്രദ്ധിച്ചുകൊണ്ടിരിക്കും. അടുത്ത 20 വര്‍ഷത്തേക്കുകൂടി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
